Боксшы Шүменовке қатысты тергеу басталды – ІІМ

Ішкі істер министрлігі Астанадағы MEGA SILK WAY сауда ойын-сауық орталығындағы төбелес шығарған боксшы Бейбіт Шүменовке қатысты тергеу ісімен айналысып жатыр.  

Еске сала кетсек, 18 маусымда Астанадағы MEGA SILK WAY СОО-дағы кафелердің бірінде боксшы Бейбіт Шүменов қоғамдық тәртіпті бұзып, сауда ойын-сауық орталығында баласын қолында ұстап отырған адамды ұрып-соққан.

Қазіргі уақытта осы факт бойынша ҚР ҚК-нің 293-бабымен (Бұзақылық) сотқа дейінгі тергеу басталды. Сот шешімімен күдікті кәнілі деп танылса  5 жылға дейін бас бостандығынан айыруды көздейді, – делінген ІІМ-нің хабарламасында.

Ішкі істер органдары барлық қажетті жедел-тергеу іс-шараларын жүргізуде. Олардың нәтижелері бойынша құқықтық баға берілетін болады.

Дастан КЕНЖАЛИН,

АСТАНА