بوكسشى شۇمەنوۆكە قاتىستى تەرگەۋ باستالدى – ىىم

ىشكى ىستەر مينيسترلىگى استاناداعى MEGA SILK WAY ساۋدا ويىن-ساۋىق ورتالىعىنداعى توبەلەس شىعارعان بوكسشى بەيبىت شۇمەنوۆكە قاتىستى تەرگەۋ ىسىمەن اينالىسىپ جاتىر.  

ەسكە سالا كەتسەك، 18 ماۋسىمدا استاناداعى MEGA SILK WAY سوو-داعى كافەلەردىڭ بىرىندە بوكسشى بەيبىت شۇمەنوۆ قوعامدىق ءتارتىپتى بۇزىپ، ساۋدا ويىن-ساۋىق ورتالىعىندا بالاسىن قولىندا ۇستاپ وتىرعان ادامدى ۇرىپ-سوققان.

قازىرگى ۋاقىتتا وسى فاكت بويىنشا قر قك-ءنىڭ 293-بابىمەن (بۇزاقىلىق) سوتقا دەيىنگى تەرگەۋ باستالدى. سوت شەشىمىمەن كۇدىكتى كانىلى دەپ تانىلسا  5 جىلعا دەيىن باس بوستاندىعىنان ايىرۋدى كوزدەيدى، – دەلىنگەن ءىىم-ءنىڭ حابارلاماسىندا.

ىشكى ىستەر ورگاندارى بارلىق قاجەتتى جەدەل-تەرگەۋ ءىس-شارالارىن جۇرگىزۋدە. ولاردىڭ ناتيجەلەرى بويىنشا قۇقىقتىق باعا بەرىلەتىن بولادى.

داستان كەنجالين،

استانا