اسحات ورالوۆ: «لۋدومانيامەن كۇرەس — كۇن تارتىبىندەگى باستى ماسەلە»

مادەنيەت جانە سپورت مينيسترلىگىنىڭ اپپارات كەڭەسىندە ويىن بيزنەسى ماسەلەلەرى تالقىلاندى.

ۆيتسە-مينيسترلەر، كوميتەت توراعالارى مەن مينيسترلىكتىڭ اپپارات باسشىسى قاتىسقان كەڭەستە مينيستر اسحات ورالوۆ كۇن تارتىبىندەگى باستى تاقىرىپ — لۋدومانيامەن كۇرەسءتىڭ ماڭىزدىلىعىن اتاپ ءوتتى.

مادەنيەت جانە سپورت مينيسترلىگى جانىنان زاڭعا وزگەرىستەر ەنگىزۋ ءۇشىن جۇمىس توبى قۇرىلىپ، بەلسەندى جۇمىس اتقارىپ جاتىر.
بۇگىنگى تاڭدا قالا كوشەلەرىنە قارايتىن بولساق، ەلوردادان باستاپ شالعايداعى اۋىلعا دەيىن ءاربىر كوشەدە بيلبوردتار، باننەرلەردە قۇمار ويىنداردىڭ جارناماسى تۇر. ەشقانداي ءتارتىپ جوق. سوندىقتان بۇنىن ءبارىن توقتاتۋىمىز قاجەت. بۋكمەكەرلىك كەڭسەلەردى باقىلاۋسىز جارنامالاۋ ءداۋىرى وتكەنگە اينالۋى كەرەك.

قاجەت بولسا ارنايى بۇيرىقتارعا، زاڭعا دا وزگەرىستەر ەنگىزۋ كەرەك. بۇل ماسەلەنى شەشۋدى سوزباي، تەز ارادا شەشىم قابىلداۋىمىز ماڭىزدى. وسى باعىتتاعى جۇمىستى كۇشەيتۋىمىز كەرەك، — دەدى ول.

ول لۋدومانيامەن كۇرەستىڭ كۇن تارتىبىندەگى باستى ماسەلە بولىپ وتىرعانىن اتاپ ءوتتى.

داستان كەنجالين،

استانا