Búgin «Astana» Tbılısıdiń «Dınamo» klýbymen kezdesedi

Búgin fýtboldan UEFA Chempıondar lıgasy birinshi irikteý týrnırinde «Astana» klýby Grýzııanyń Tbılısı qalasynda osy eldiń «Dınamo» komandasymen kezdesedi.

Match Astana ýaqytymen saǵat 22.00-de bastalady. Oıyn Qazsport telearnasynan tikeleı efırde kórsetiledi.

Astanada ótken alǵashqy kezdesýde komandalar 1:1 esebine teń tarqasty. Endi búgingi matchtan UEFA Chempıondar lıgasynyń kelesi irikteý týrnırine shyǵatyn komanda anyqtalady. Osy oıynda jeńgen klýb Horvatııanyń «Dınamo»(Zagreb) komandasymen kezdesedi. Bul oıyndar 25 shilde men 1 tamyzda bolady.

Tbılısıdiń «Dınamo» bolsa 1925 jyly qurylǵan. Ol KSRO kezinde 1964, 1978 jyldary el chempıon atanǵan. 1990 jyldan beri Grýzııanyń chempıonatyn 18 ret jeńgen.

1981 jyly UEFA kýbok ıegerleri kýbogynyń ıegeri atanǵan.

Dastan KENJALIN,

ASTANA