SportPress.kz Qazaqstan sport jańalyqtary
Qazaqstan quramasynyń sapynda 90 stýdent Qytaıda ótetin XXXI jazǵy Dúnıejúzilik stýdentter oıyndaryna qatysady. Bul týraly Ǵylym jáne joǵary bilim mınıstrligi habarlady.
27 shilde — 8 tamyz aralyǵynda Qytaıdyń Chendý qalasynda XXXI jazǵy Dúnıejúzilik stýdentter oıyndary ótedi. Halyqaralyq sporttyq is-shara — Qytaıda ótetin úshinshi stýdenttik oıyndar, Azııada ótetin on besinshi Dúnıejúzilik stýdenttik oıyndar.
Ǵylym jáne joǵary bilim mınıstrliginiń málimetine qaraǵanda, stýdentterimiz júzý, jeńil atletıka, semserlesý, sporttyq gımnastıka, kórkem gımnastıka, dzıýdo, taekvondo, ústel tennısi, ý-shý, oq atý, sadaq atý, daıvıng, sý polosy, badmınton, basketbol, akademııalyq esý, úlken tennıs, voleıbol sekildi 11 sport túrinen ózara saıysqa túsedi.
El quramasy sapynda 90 stýdent óner kórsetedi, sondaı-aq delegaııa quramynda 20 jattyqtyrýshy, 2 dáriger, 1 jýrnalıst, 3 shtab ókili bar, barlyǵy – 116 adam.
Y.Altynsarın atyndaǵy Arqalyq pedagogıkalyq ınstıtýtynyń dene shynyqtyrý mamandyǵynyń 3-kýrs stýdenti, Qazaqstanyń úsh dúrkin chempıony, dzıýdo kúresinen sport sheberi, jastar arasynda Azııa chempıonatynyń qola júldegeri (Taıland, Bankog) Qablan Nursultan (07.07.2003) saltanatty ashylý rásimindegi sherýde Qazaqstan quramasynyń kóshin bastap, elimizdiń jalaýyn kóterip shyǵady, — delingen málimette.
27 shilde kúni 20.00-de (Qytaı ýaqytymen) sportshylar qalashyǵynda memlekettik tý kóterý rásimi, 28 shilde ashylý saltanaty, 8 tamyz jabylý saltanaty ótedi. 27 shildede Qazaqstan sportshylary sadaq atý jarysymen stýdenttik oıyndardy bastaıdy.
Elimizdiń quramasy 26 joǵary oqý ornynyń stýdentterinen jasaqtalǵan.
