اتىراۋدا جىلدىڭ ۇزدىكتەرى انىقتالدى

بۇگىن اتىراۋ قالاسىندا وبلىستىق پارادزيۋدو فەدەراتسياسىنىڭ ۇيىمداستىرۋىمەن «جىل ۇزدىكتەرىن» ماراپاتتاۋ سالتاناتى ءوتتى. فەدەراتسيا پرەزيدەنتى اسىلبەك ومىرزاقوۆ جەتەكشىلىك ەتەتىن وبلىستىڭ پارادزيۋدوشىلارى ءۇشىن وتكەن جىل وتە تابىستى بولدى. اتاپ ايتار بولساق، ەلىمىز بويىنشا تۇڭعىش رەت اتىراۋ قالاسىندا حالىقارالىق «گران پري كازاحستان-2017» ءتۋرنيرى ءوتىپ، وعان اقش، كورەيا، گۇرجىستان، ءازىربايجان، قىرعىزستان، وزبەكستان، رەسەي جانە قازاقستان ەلدەرىنەن پالۋاندار قاتىستى.

وسى سىندا اتىراۋلىق Əنۋار ساريەۆ جەڭىمپاز اتانسا، كۇمىس مەدالگە  تەمىرجان داۋلەت پەن عالىمجان ماحمەدوۆ يە بولدى. ايتپاقشى، مامىر ايىندا وتكەن ازيا چەمپيوناتىندا تەمىرجان دəۋلەت قولا جۇلدەنى ەنشىلەسە، گەرمانياداعى حالىقارالىق تۋرنيردەن Əنۋار جەڭىسپەن ورالدى. قازان ايىندا تاشكەنتتە وتكەن Əلەم كۋبوگى ءۇشىن جارىستا ءانۋار ساريەۆ قولا جۇلدەگەر اتاندى. وسىدان كەيىن تۇركيادا وتكەن حالىقارالىق تۋرنيردە ءانۋار مەن عالىمجان جەڭىمپاز اتانسا، تەمىرجان كۇمىس مەدالدى يەلەنىپ، ەل مەرەيىن اسىردى. جەلتوقسان ايىندا قىتايدا وتكەن əلەمدىك سەميناردا اتالعان سپورتشىلاردىڭ جاتتىقتىرۋشىسى جاندوس قيانوۆ «حالىقارالىق دəرەجەدەگى تورەشى» اتاندى. بۇل — جاندوس ەندىگى جەردە əلەمدىك سىندار مەن وليمپيادا ويىندارىندا تورەشىلىك ەتەدى دەگەن ءسوز.

7 جەلتوقسان كۇنى الماتىدا قازاق سپورت جانە تۋريزم اكادەمياسى مەن «سپورت جۇلدىزدارى» رەسپۋبليكالىق جۋرنالى بىرلەسىپ وتكىزگەن «جىل ۇزدىكتەرى-2017» جەڭىمپازدارىن ماراپاتتاۋ سالتاناتىندا اتىراۋ وبلىستىق پارادزيۋدو فەدەراتسياسى «جىلدىڭ ۇزدىك پاراليمپيادا فەدەراتسياسى» اتانسا، جاندوس قيانوۆ پەن Əنۋار ساريەۆ «جىلدىڭ ۇزدىك پاراليمپيادا جاتتىقتىرۋشىسى» جəنە «جىلدىڭ ۇزدىك پاراليمپيادا سپورتشىسى» اتانىپ، ارنايى ماراپاتقا يە بولدى. جەتىستىك مۇنىمەن بىتپەيدى. اتىراۋلىق پارادزيۋدوشىلار ەلىشىلىك جارىستاردا، قازاقستان چەمپيوناتى مەن سپارتاكيادادا بىرنەشە جۇلدەگە يە بولدى. وسىنداي مىقتى سپورتشىلاردى دايىنداعان وبلىستىق دەنە شىنىقتىرۋ جانە سپورت باسقارماسىنىڭ شەشىمىمەن جاندوس قيانوۆ وبلىس بويىنشا «جىلدىڭ ۇزدىك جاتتىقتىرۋشىسى» اتاندى. تاعى ءبىر جاعىمدى جاڭالىق جاندوس قيانوۆ پارادزيۋدودان قازاقستان ۇلتتىق قۇراماسىنىڭ باس باپكەرى بولىپ تاعايىندالدى. مۇنىڭ ءبəرى ايتۋعا وڭاي، ۇلكەن ەڭبەك پەن تاباندىلىقتى قاجەت ەتەتىن ءىس. تاعدىردىڭ قاتال سىنىنا مويىماي، دەنى ساۋ سپورتشىلاردان كەم نəتيجە كورسەتپەي، كوك تۋىمىزدى كوككە كوتەرىپ جۇرگەن ومىرگە قۇشتار جانداردى جاتتىقتىرىپ، ولاردى جارىسقا دايىنداپ جۇرگەن جاندوس قيانوۆ باستاعان اتىراۋلىق باپكەرلەر مەن ولاردىڭ بارلىق جاعدايىن جاساپ، ساۋاپتى ءىس اتقارىپ جۇرگەن فەدەراتسيا پرەزيدەنتى اسىلبەك ومىرزاقوۆتىڭ ەڭبەگى ۇشان-تەڭىز. ءبىز قۇرىلعانىنا ەكى عانا جىل بولعان فەدەراتسيانىڭ الداعى ۋاقىتتا بۇدان دا بيىك جەتىستىكتەرگە جەتەتىنىنە سەنىمدىمىز. بيىل اتىراۋدا ازيا چەمپيوناتى جəنە «گران پري قازاقستان» ءتۋرنيرى ەكىنشى رەت وتكەلى وتىر.

بۇگىنگى باسقوسۋدا وتكەن جىلدىڭ تابىستارى قورىتىندىلانىپ، ۇزدىك سپورتشىلار مەن باپكەرلەر، وسى سالادا جۇرگەن ءبىر توپ ازامات فەدەراتسيا تاراپىنان ارنايى ماراپاتقا يە بولدى. اقتوبە قالاسىنان ارنايى كەلگەن «سپورت جۇلدىزدارى» جۋرنالىنىڭ باس رەداكتورى مۇساعالي تاسقاليەۆ پەن ورىنباسارى ەركىن باقتياروۆتار وبلىس سپورتىنىڭ باسشىسى ازامات بەكەتكە «دەنە شىنىقتىرۋ مەن سپورتتى دامىتۋعا قوسقان ۇلەسى ءۇشىن» جəنە تولاعاي تابىستارعا جەتىپ جۇرگەن جاندوس قيانوۆقا «تəۋەلسىزدىككە قوسقان ۇلەسى ءۇشىن» توسبەلگىسىن تابىس ەتتى. شىنىمەن دە ەلىمىزدىڭ تəۋەلسىزدىگىنە ولشەۋسىز ۇلەس قوسىپ جۇرگەن وسى جاندوستاي باپكەرلەر، اسىلبەكتەي سپورت جاناشىرلارى ەكەندىگى داۋسىز. ماراپاتتارىڭىز قۇتتى بولسىن ارداقتى ازاماتتار! جەڭىستى كۇندەرىڭىز كوپ بولسىن!

التىن عابيتقىزى،

اتىراۋ