Qaırat SÁTJANOV: «Bıylǵy dodada ese qaıtaramyz»

Iordanııanyń astanasy Amman qalasynda ótetin bokstan Azııa chempıonatyna áıelder quramasynyń izin ala Qazaqstan erler komandasy da attandy.

Ulttyq quramanyń bas jattyqtyrýshysy Qaırat Sətjanovtyń shəkirtteri Almaty oblysynyń Báıterek aýylyndaǵy ortalyqta oqý-jattyǵý jıynyn ótkizip, sheshýshi jekpe-jekterge daıyndyqty aıaqtady.

Osy tusta keı salmaqtarda bəsekelestik óte joǵary bolǵany sonsha, kimniń baratynyn anyqtaý qıyn bolǵan eken. Máselen, bapkerlerge 63,5 kelide «Elorda kýbogy» halyqaralyq týrnıriniń júldegerleri — Muhamedsabyr Bazarbaıuly, Sanatəli Tóltaev pen Sultan Mýsın arasynan tek bireýin tańdaýy kerek boldy. Al 75 kg deıingi salmaqta el chempıony Nurqanat Raıysqa təjirıbeli Tursynbaı Qulahmet pen jas ta bolsa kózge túsip júrgen Tımýr Nurseıitov pen Dıas Nurjigitov tegeýrindi qarsylyq kórsetti.

Endi barlyq másele sheshilip, Ammanda ótetin Azııa chempıonatynda qolǵap túıistiretin boksshylar jolǵa shyqty.

Daıyndyq óte jaqsy boldy. Mádenıet jáne sport mınıstrligi Sport jáne dene shynyqtyrý isteri komıteti, Sportty damytý dırekııasy men Qazaqstan boks federaııasynyń arqasynda bəseke qarsańynda eshqandaı qıyndyq bolǵan joq. Boks elimizde keń tanylǵan, únemi jankúıerler nazarynda bolatyn sport túri. Ulttyq quramanyń Azııa chempıonatyndaǵy nátıjesin qoǵamnyń qalaı talqylap, synǵa alǵany əli esimizde. Dýbaıda erler quramasy altyn júldesiz qalǵanyn bilesizder. Bıyl biz ese qaıtarǵymyz keledi. Maqsat — jalpy esepte kósh bastaý, — dedi komandanyń bas jattyqtyrýshysy Qaırat Sətjanov.

Bokstan XXXII Azııa chempıonaty 30 qazan men 13 qarasha aralyǵynda ótedi. Erler 13 salmaqta, al əıelder 12 salmaqta myqtyny anyqtaıdy. Sary qurlyq dodasyn ádettegideı Azııa boks konfederaııasy (ASBC) Halyqaralyq boks qaýymdastyǵynyń (IBA) erejelerin negizge ala otyryp, uıymdastyrady.

Dastan KENJALIN,

ASTANA