ۇيلەنۋ تويى كەزىندە الەم چەمپيوناتىنان تىكەلەي كورسەتىلىم قويىلدى

رەسەيءدىڭ «زەنيت» كلۋبى مەن قازاقستان قۇراماسىنىڭ قورعاۋشىسى نۇرالى ءالىپ اقتاۋداعى ۇيلەنۋ تويىندا ارگەنتينانىڭ جەڭىسىن تويلادى.

جاستاردىڭ ۇيلەنۋ تويى اقتاۋ قالاسىنداعى «حان شاحار» سالتانات سارايىندا بولدى. توي كەزىندە مەيرامحاناداعى ەكرانداردان الەم چەمپيوناتىنان تىكەلەي كورسەتىلىم قويىلدى. ال الەم چەمپيونى انىقتالعان ساتتە فۋتبولشىنىڭ مەيرامحانانىڭ ورتاسىندا شاتتانىپ جۇرگەن ۆيدەوسى الەۋمەتتىك جەلىدە تارادى.

نۇرالى پاقت ۇلى ءالىپ — اقتاۋ قالاسىنىڭ تۋماسى. «كاسپي» فۋتبول كلۋبىنىڭ تۇلەگى. 2015 جىلى «قايرات» كلۋبىنىڭ جاستار كومانداسىنا الىنعان.

2018 جىلى ناۋرىزدا الماتىنىڭ «قايرات» كلۋبىنىڭ نەگىزگى قۇرامىنا قوسىلدى. العاشقى ويىنىن 11 ناۋرىز كۇنى «قىزىلجار» كلۋبىنا قارسى وتكىزىپ، الاڭدا 90 مينۋت بويى وينادى. بۇل ويىندا «قايرات» 2:1 ەسەبىمەن جەڭىسكە جەتتى.

2020 جىلى قازاقستان چەمپيونى اتاندى.

2022 جىلى قاڭتاردا «زەنيت» كلۋبىنىڭ قورعاۋشىسى بولدى. جاقىندا ول سانكت-پەتەربۋرگ كومانداسىمەن كەلىسىمشارتتى ۇزارتتى.

نۇرداۋلەت كەنجەباي،

استانا