SportPress.kz قازاقستان سپورت جاڭالىقتارى
حالىقارالىق بوكس قاۋىمداستىعى 1-14 مامىردا وزبەكستاننىڭ استاناسى تاشكەنت قالاسىندا وتەتىن الەم چەمپيوناتىنا بويكوت جاريالاعان ەل سپورتشىلارىنا قارجىلاي قولداۋ كورسەتەتىنىن مالىمدەدى.
بۇل جاعدايعا IBA باس حاتشىسى ءوز كوزقاراسىن ءبىلدىردى. ونىڭ ويىنشا، فەدەراتسيالاردىڭ شەشىمى سپورتشىلاردىڭ قالاۋىنا سايكەس كەلمەيدى.
تۇسىنبەۋشىلىك پەن جالعان اقپارات الەم چەمپيونااتىنا بويكوت جاريالاعان مەملەكەتتەردىڭ ۇلتتىق فەدەراتسيالارىندا نارازىلىق تۋعىزۋدا. بۇل شەشىمدى قولدامايتىن سپورتشىلار مەن جاتتىقتىرۋشىلار، تەحنيكالىق قىزمەتكەرلەر بار. ولاردىڭ الەم چەمپيوناتقا كەلۋىنە قولداۋ كورسەتۋى كەرەك، — دەدى ۇيىمنىڭ باس حاتشىسى دجوردج يەروليمپوس.
بۇعان دەيىن رەسەي مەن بەلارۋس وكىلدەرىنىڭ تاشكەنتتە وتەتىن بوكستان الەم چەمپيوناتىنا ءوز تۋلارىمەن قاتىسۋىنا بايلانىستى اقش، انگليا، چەحيا، فينليانديا، كانادا، يرلانديا، شۆەتسيا، شۆەيتساريا مەن نيدەرلاند بويكوت جاريالاعان بولاتىن.
داستان كەنجالين،
استانا
