تمد II ويىندارى: قازاقستان قورجىنانا التى قولا جۇلدە ءتۇستى

بەلارۋس استاناسى — مينسك قالاسىندا ءوتىپ جاتقان تمد-ءنىڭ II ويىندارىنىڭ ءۇشىنشى كۇنى قازاقستان قورجىنىنا التى قولا جۇلدە ءتۇستى.

اتاپ ايتار بولساق ، دزيۋدو كۇرەسىنەن الديار ساين (90 كگ) مەن ءاليحان نازىمحانوۆ (+90 كگ)، جەڭىل اتلەتيكادان انگەلينا شرۋبيانەتس (60 مەتر)، دميتري سپاسكي (2000 مەتر)، اليسا يساەۆا (ۇزىندىققا سەكىرۋ) جانە كوركەم گيمناستيكادان قىزدار قۇراماسى تمد ويىندارىنىڭ قولا جۇلدەگەرى اتاندى.

ءۇشىنشى كۇننىڭ قورىتىندىسى بويىنشا جالپىكوماندالىق ەسەپتە 39 التىن، 25 كۇمىس جانە 17 قولامەن رەسەي قۇراماسى توپ باسىندا كەلەدى. ەكىنشى ورىنداعى بەلارۋس كومانداسىنىڭ 12 التىن، 14 كۇمىس جانە 24 قولا مەدالى بار. ۇزدىك ۇشتىكتى 6 التىن، 9 كۇمىس جانە 11 قولامەن وزبەكستان تۇيىندەپ تۇر. قازاقستان قۇراماسى 1 كۇمىس، 6 قولا جۇلدەمەن قىرعىزستانمەن بىرگە 8-ورىنعا ورنالاستى. قازاقستان كومانداسىنىڭ الدىندا ازەربايجان، ارمەنيا، تۇركىمەنستان مەن ۆەتنام ەلدەرى بار.

ەرتەڭ، 8 تامىزدا سپورتشىلارىمىز جەڭىل اتلەتيكادان، نىسانا كوزدەۋدەن جانە كوماندالىق دزيۋدودان سىنعا تۇسەدى.

مۇساعالي تاسقاليەۆ،

اقتوبە