TMD II oıyndary: Qazaqstan qorjynana alty qola júlde tústi

Belarýs astanasy — Mınsk qalasynda ótip jatqan TMD-niń II oıyndarynyń úshinshi kúni Qazaqstan qorjynyna alty qola júlde tústi.

Atap aıtar bolsaq , dzıýdo kúresinen Aldııar Saın (90 kg) men Álıhan Nazymhanov (+90 kg), jeńil atletıkadan Angelına Shrýbıane (60 metr), Dmıtrıı Spaskıı (2000 metr), Alısa Isaeva (uzyndyqqa sekirý) jáne kórkem gımnastıkadan qyzdar quramasy TMD oıyndarynyń qola júldegeri atandy.

Úshinshi kúnniń qorytyndysy boıynsha jalpykomandalyq esepte 39 altyn, 25 kúmis jáne 17 qolamen Reseı quramasy top basynda keledi. Ekinshi oryndaǵy Belarýs komandasynyń 12 altyn, 14 kúmis jáne 24 qola medali bar. Úzdik úshtikti 6 altyn, 9 kúmis jáne 11 qolamen О́zbekstan túıindep tur. Qazaqstan quramasy 1 kúmis, 6 qola júldemen Qyrǵyzstanmen birge 8-orynǵa ornalasty. Qazaqstan komandasynyń aldynda Ázerbaıjan, Armenııa, Túrkimenstan men Vetnam elderi bar.

Erteń, 8 tamyzda sportshylarymyz jeńil atletıkadan, nysana kózdeýden jáne komandalyq dzıýdodan synǵa túsedi.

Musaǵalı TASQALIEV,

AQTО́BE