كونفەرەنتسيا ليگاسى: «توبىل» مەن «اقتوبە» ءۇشىنشى ىرىكتەۋ ءتۋرنيرىن باستادى (ۆيدەو)

فۋتبولدان UEFA كونفەرەنتسيا ليگاسى ءۇشىنشى ىرىكتەۋ تۋرنيرىندە قوستانايدىڭ «توبىل» كلۋبى مەن اقتوبەنىڭ «اقتوبە» كومانداسى قارسىلاستارىمەن كەزدەستى. «توبىل» ءوز الاڭىندا سولتۇستىك يرلانديانىڭ «دەرري سيتي» جاساعىمەن ويناپ، 1:0 ەسەبىمەن جەڭىسكە جەتتى. «اقتوبە» سىرت الاڭدا رۋمىنيانىڭ «سەپسي» كلۋبىمەن 1:1 ەسەبىمەن تەڭ ءتۇستى.

«توبىلدىڭ» قۇرامىندا جالعىز گولدى ويىننىڭ 68-مينۋتىندا رومان اسرانكۋلوۆ سالدى. ەندى كوماندالاردىڭ كەلەسى ماتچى 17 تامىزدا بولادى.

قوستانايدىڭ كومانداسى بۇعان دەيىن فينليانديانىڭ «حونكا» (0:0، 2:1) مەن شۆەيتساريانىڭ «بازەل» (3:1، 1:2) كلۋبتارىمەن ويناپ، ەكى ماتچتىڭ قورىتىندىسى بوينىشا ىرىكتەۋ ءتۋرنيرىنىڭ ءۇشىنشى ساتىسىنا شىقتى. ەندى تاعى دا «توبىلدىڭ» جولى بولسا، كونفەرەنتسيا ليگاسىنىڭ پلەي-وفف كەزەڭىندە «ۆيكتوريا» پلزەن (چەحيا) مەن «گزيرا يۋنايتەد» (مالتا) كوماندالارىنىڭ اراسىنداعى ويىننىڭ جەڭىمپازىمەن كەزدەسەدى.

«اقتوبە» سىرت الاڭدا رۋمىنيانىڭ «سەپسي» كلۋبىمەن ويىندا ماچتىڭ 89-مينۋتىندا گول جىبەرىپ، الىپ، قولدا تۇرعان جەڭىستەەن ايىرىلىپ قالدى. بۇل كەزدەسۋدە «اقتوبەنىڭ» قۇرامىندا جالعىز گولدى ەلدەر سانتانا سالدى.

وسىلايشا كوماندالار ويىندى 1:1 ەسەبىمەن اياقتادى.

اقتوبەلىك كوماندا كونفەرەنتسيا ليگاسىنىڭ ەكىنشى ىرىكتەۋ ساتىسىندا گرۋزيانىڭ «تورپەدو» (كۋتايسي) كلۋبىن (4:1، 1:2) جولدا قالدىرعان ەدى. ەندى «اقتوبە» ءوز الاڭىندا «سەپسيدى» جەڭسە، پلەي-وفف ساتىسىندا «بۋديو-گليمت» (نورۆەگيا) مەن «پيۋنيك» (ارمەنيا) كوماندالارىنىڭ اراسىنداعى ماچتاردىڭ جەڭىمپازىمەن كەزدەسەدى. «بۋديو-گليمت» ءبىرىنشى ويىندا قارسىلاسىنان 3:0 ەسەبىمەن باسىم ءتۇستى.

داستان كەنجالين،

استانا