Konferenııa lıgasy: «Tobyl» men «Aqtóbe» úshinshi irikteý týrnırin bastady (VIDEO)

Fýtboldan UEFA Konferenııa lıgasy úshinshi irikteý týrnırinde Qostanaıdyń «Tobyl» klýby men Aqtóbeniń «Aqtóbe» komandasy qarsylastarymen kezdesti. «Tobyl» óz alańynda Soltústik Irlandııanyń «Derrı Sıtı» jasaǵymen oınap, 1:0 esebimen jeńiske jetti. «Aqtóbe» syrt alańda Rýmynııanyń «Sepsı» klýbymen 1:1 esebimen teń tústi.

«Tobyldyń» quramynda jalǵyz goldy oıynnyń 68-mınýtynda Roman Asrankýlov saldy. Endi komandalardyń kelesi matchy 17 tamyzda bolady.

Qostanaıdyń komandasy buǵan deıin Fınlıandııanyń «Honka» (0:0, 2:1) men Shveıarııanyń «Bazel» (3:1, 1:2) klýbtarymen oınap, eki matchtyń qorytyndysy boınysha irikteý týrnıriniń úshinshi satysyna shyqty. Endi taǵy da «Tobyldyń» joly bolsa, Konferenııa lıgasynyń pleı-off kezeńinde «Vıktorııa» Plzen (Chehııa) men «Gzıra Iýnaıted» (Malta) komandalarynyń arasyndaǵy oıynnyń jeńimpazymen kezdesedi.

«Aqtóbe» syrt alańda Rýmynııanyń «Sepsı» klýbymen oıynda machtyń 89-mınýtynda gol jiberip, alyp, qolda turǵan jeńisteen aıyrylyp qaldy. Bul kezdesýde «Aqtóbeniń» quramynda jalǵyz goldy Elder Santana saldy.

Osylaısha komandalar oıyndy 1:1 esebimen aıaqtady.

Aqtóbelik komanda Konferenııa lıgasynyń ekinshi irikteý satysynda Grýzııanyń «Torpedo» (Kýtaısı) klýbyn (4:1, 1:2) jolda qaldyrǵan edi. Endi «Aqtóbe» óz alańynda «Sepsıdi» jeńse, pleı-off satysynda «Býdıo-Glımt» (Norvegııa) men «Pıýnık» (Armenııa) komandalarynyń arasyndaǵy machtardyń jeńimpazymen kezdesedi. «Býdıo-Glımt» birinshi oıynda qarsylasynan 3:0 esebimen basym tústi.

Dastan KENJALIN,

ASTANA