قازاقستان-فينليانديا ماچتىنىڭ ۇزىلىسىندە كونتسەرت بولادى

7 قىركۇيەكتە فۋتبولدان 2024 جىلعى ەۋروپا چەمپيوناتىنا ىرىكتەۋ تۋرنيرىندەگى قازاقستان مەن فينليانديا ۇلتتىق قۇراما كوماندالارى اراسىندا وتەتىن ماتچتىڭ 15 مينۋتتىق ءۇزىلىس كەزىندە تانىمال ءانشى ەربولات قۇدايبەرگەننىڭ شاعىن كونتسەرتى بولادى.

بۇل تۋرالى قازاقستان فۋتبول فەدەراتسياسى حابارلادى.

تانىمال ءانشى ەربولات قۇدايبەرگەن قازاقستان – فينليانديا ماتچىنىڭ ارنايى قوناعى بولادى

ماتچتىڭ ءۇزىلىسى كەزىندە بارىمىزگە تانىمال «مەن قازاقپىن» جانە «ءبىزدىڭ جىگىتتەر» حيتتەرى شىرقالادى.

«ءبىزدىڭ جىگىتتەردى» ايتىپ، ءبىزدىڭ جىگىتتەرگە قولداۋ كورسەتەيىك!، — دەلىنگەن حابارلامادا.

قازىر ۇلتتىق قۇرامالار ماتچقا قىزۋ دايىندالىپ جاتىر. فينليانديا قۇراماسى استاناعا كەلىپ، جاتتىعۋدى باستاپ كەتتى. ويىننىڭ باس تورەشىسى بولىپ رۋمىنيانىڭ تورەشىسى رادۋ پەترەسكۋ بەكىتىلدى. وعان ماتچتا رۋمىنيانىڭ تاعى ءۇش تورەشىسى كومەكتەسەدى. ولار — رادۋ گينگۋلياك، ميرچا گريگوريۋ مەن مارتسەل بيرسان.

ماتچ استانا ۋاقىتىمەن كەشكى ساعات 20:00-دە باستالادى.

داستان كەنجالين،

استانا

 

View this post on Instagram

 

A post shared by Kazakhstan national football team (@kff_team)