Fınlıandııany jeńe alamyz – Magomed Adıev

Búgin fýtboldan 2024 jyly Eýropa chempıonatynyń irikteý týrnıri aıasynda ótetin Qazaqstan men Fınlıandııa komandalarynyń matchynyń qarsańynda ulttyq quramanyń bas jattyqtyrýshysy Magomed Adıev oıyn týraly óz oıyn aıtty.

Ol BAQ ókilderine bergen shaǵyn suhbatynda Fınlıandııa quramasynyń bas jattyqtyrýshysynyń jaqsy komanda jasaqtap alǵanyn, oıynshylarynyń bári synnan súrinbeı ótken tájirıbeli fýtbolshylar ekenin atap ótti.

Fınlıandııa ońaı qarsylas emes. Olarda shabýylda úsh jaqsy oınaıtyn úsh oıynshy bar. Fınderdiń kóbisi Pýkkı arqyly oınaıdy. Oń qaptaldan oıynǵa belsendi kirisedi. Fınlıandııa qorǵanystan shyǵa alatyn, shabýylda jyldam fýtbol oınaǵandy unatatyn komanda. Biraq olar pozıııalyq shabýyldarǵa nemquraıly qaraıdy dep aıta almaımyn. Men qarsylastan kóp taktıkalyq oıyn kútemin. Meniń fın áriptesim jaqsy komanda jasaqtap alǵan eken.

Qarsylasty utýǵa bolady. Ol jigitterdiń qolynan keledi, — dedi ol.

Kezdesýde bas jattyqtyrýshy Mıhaıl Gabyshev pen Baýyrjan Islamhannyń jaraqat alǵanyn, olar Fınlıandııamen matchqa alańǵa shyǵa almaıtynyn esketti.

Ekeýiniń jaraqat alǵany árıne, qıyn. Olarǵa ota jasaldy. Jigittermen sóılestik, qoldaý kórsettik, olardy alańda da, ulttyq quramada da kútemiz. Oń qaptal jaıly aıtatyn bolsaq, Gabyshev jaraqat alǵanǵa deıin de men bul pozıııaǵa basqa oıynshyny qoıýdy josparlaǵanmyn. Gabyshev jaraqat almasa da alańǵa alǵashqy mınýttardan shyqpaıtyn edi. Bizge bul orynǵa basqa oıynshy kerek. Onyń kim ekenin oıynda kóresizder.

Tapalovqa kelsek, ol Soltústik Irlandııaǵa qarsy alańǵa shyǵady, — dedi bas jattyqtyrýshy.

Sonymen birg eulttyq quramanyń bas jattyqtyrýshysy jańa fýtbolshylardyń shaqyrylǵanyn, osy jigitter ujymǵa tez sińisip, komandalastaryna úlken qoldaý bolatynyna senim bildirip, Fınlıandııany jeńe alatynyn aıtty.

Búgin– 7 qyrkúıekte Astanada keshki saǵat 20:00-de 2024 jylǵy Eýropa chempıonatynyń irikteý týrnıri aıasynda Qazaqstan men Fınlıandııa ulttyq quramalarynyń matchy bastalady.

Qazir týrnır kestesinde Qazaqstan quramasy tórt oıynnan keıin 9 upaımen Fınlıandııa komandasynan keıin ekinshi orynda tur. Skandınavııa túbeginiń quramasynda da 9 upaı bar. Biraq dop aıyrmashylyǵy boıynsha Sýomı eliniń kórsetkishi jaqsy. Olar qarsylastar qaqpasyna 10 dop salyp, 3 gol jiberip alǵan. Al ulttyq qurama 8 gol salyp, 4 dopty óz qaqpasyna kirgizgen.

Týrnır kestesinde úshinshi jáne tórtinshi oryndardy Danııa men Slovenııa quramalary bólesip otyr. Olarda da upaı sany birdeı. Ekeýinde tórt matchtan keıin 7 upaıdan bar. Al besinshi jáne sońǵy orynda Soltústik Irlandııa men San-Marıno komandalary keledi. Brıtanııa eliniń quramasynda 3 upaı bolsa, San-Marıno áli birde bir upaı alǵan joq.

10 qyrkúıekte elimizdiń bas komandasy óz alańynda osy Soltústik Irlandııa jasaǵymen oınaıdy.

Dastan KENJALIN,

ASTANA