فۋتزالدان ءاچ: ىرىكتەۋ تۋرنيرىنە قازاقستان قۇراماسىنىڭ ءتىزىمى جاريالاندى

فۋتزالدان قازاقستان ۇلتتىق قۇراماسىنىڭ باس جاتتىقتىرۋشىسى ريكاردو كاكا 2024 جىلعى الەم چەمپيوناتىنىڭ ىرىكتەۋ تۋرنيرىندە نيدەرلاند پەن رۋمىنيا كوماندالارىنا قارسى وتەتىن ويىندارعا شاقىرىلعان ويىنشىلاردىڭ ءتىزىمىن جاريالادى، دەپ حابارلادى قازاقستان فۋتبول فەدەراتسياسى.

تىزىمگە 16 ويىنشى ەندى.

فۋتزالدان قازاقستان قۇراماسىنىڭ قۇرامى:

قاقپاشىلار: يگيتا، نارۋن سەرىكوۆ (ەكەۋى دە – «قايرات»)، نۇرالەم بايدۋللا («اتىراۋ»);

الاڭداعى ويىنشىلار: دۋگلاس، ەدسون، ءبىرجان ورازوۆ، داۋرەن تۇرساعۇلوۆ، البەرت اقبالىقوۆ، جاحانگير راشيت (بارلىعى – «قايرات»)، تاينان («سپورتينگ»، پورتۋگاليا)، ازات ۆاليۋللين، راسۋل ءابدۋماناپ ۇلى (ەكەۋى دە – «ايات»)، شىڭعىس ەسەنامانوۆ، رايىمبەك جۇما، جومارت توقاەۆ (بارلىعى – «سەمەي»)، ارنولد كناۋب («جەتىسۋ»).

جاتتىقتىرۋشىلار شتابى: ريكاردو كاكا – باس باپكەر، داۋرەن نۇرعوجين – باس باپكەردىڭ كومەكشىسى، گريگوري شامرو – قاقپاشىلاردىڭ جاتتىقتىرۋشىسى، ۆەندەل لۋيز – دەنە دايارلىعى جاتتىقتىرۋشىسى، احماتحون يسكانداروۆ – دارىگەر، ويبەك پۋلاتوۆ – ماسساجيست، قۋانىش ءىزباساروۆ – مەنەدجەر، راحات اكىمقۇل – اكىمشى.

قىركۇيەكتىڭ 15-نەن 16-نا قاراعان ءتۇنى فۋتزالدان قازاقستان ۇلتتىق قۇراماسى 2024 جىلعى الەم چەمپيوناتىنىڭ ىرىكتەۋ ءتۋرنيرى اياسىندا المەرە قالاسىندا نيدەرلاند قۇراماسىمەن سىرت الاڭدا ويناسا، 20 قىركۇيەكتە الماتىنىڭ بالۋان شولاق اتىنداعى سپورت سارايىندا رۋمىنيا كومانداسىمەن كەزدەسەدى.