Kúresten ÁCh: Azamat Dáýletbekov pen О́simjan Dastanbek qola júldege talasady

Búgin Serbııanyń astanasy – Belgrad qalasynda kúres túrlerinen álem chempıonaty bastaldy, dep habarlady QR Týrızm jáne sport mınıstrligi Sportty damytý dırekııasynyń baspasóz qyzmeti.

Parıj Olımpıadasynyń 90 joldamasy sarapqa salynatyn dodany erkin kúres sheberleri bastady. Alǵashqy jarys kúni bozkilemge ulttyq qurama sapynan О́simjan Dastanbek (61 kg), Sanjar Dosjanov (70 kg), Azamat Dáýletbekov pen asa aýyr salmaqtaǵy Iýsýp Batyrmýrzaev shyqty.

Byltyrǵy álem chempıonatynyń qola júldegeri Azamat Dáýletbekovtiń jolyn jartylaı fınalda taǵy Tokıo Olımpıadasynyń chempıony, eki dúrkin álem chempıony Davıd Teılor kesti. Qazaqstandyq palýan búgin alǵashqy aıqasta lıtvalyq Domantas Pavlıýchenkony, 1/8 aınalymda reseılik Arslan Bagaevty, sosyn shırek fınalda franııalyq Rahım Magamadovty taza utty. Endi Azamat erteń jubanysh beldesýinde jeńiske jetken atletpen qola medaldi sarapqa salady.

Ulttyq quramanyń basqa palýandary alǵashqy aınalymnan ári asa almady. Degenmen bul qatardaǵy О́simjan Dastanbektiń áli júlde jáne Olımpıada joldamasy úshin talasatyn múmkindigi bar. Ol úshin otandasymyz Stılıan Ianchıkti (Bolgarııa), japonııalyq Kodaı Ogavany, sosyn qola júlde úshin aıqasta qyrǵyz Taıyrbek Jýmashbek ýýlyn jeńýi kerek.

Sondaı-aq erteń erkin kúres sheberlerinen Meırambek Qartbaı (57 kg), Nurqoja Qaıpanov (74 kg), Bolat Saqaev (79 kg) pen Rızabek Aıtmuhan (92 kg) synǵa túsedi.

Jalpy Serbııa astanasyndaǵy palýandar dodasy 24 qyrkúıekte máresine jetedi. Osy aralyqta 77 memleketten jınalǵan 1000-ǵa tarta sportshy ózara myqtyny anyqtaıdy.

Eske sala keteıik, byltyr 10-18 qyrkúıek aralyǵynda kúresten dúnıejúzi chempıonaty Belgradtaǵy dál osy Štark Arena sport kesheninde ótti. Ol kezde Qazaqstan quramasy sapynan Jámıla Baqbergenova kúmis júlde, Azamat Dáýletbekov qola medal, Aıdos Sultanǵalı qola júldeni ıelendi.

Shamken BAIYRBEK,

ASTANA

FOTO: Týrızm jáne sport mınıstrligi Sportty damytý dırekııasy