XIX Azıada: Qazaqstan boksshylary taǵy bes kún daıyndalady (VIDEO)

Búgin bokstan Qazaqstannyń ulttyq qurama komandasy Almaty halyqaralyq áýejaıynan Qytaıdyń Hanchjoý qalasyna XIX jazǵy Azııa oıyndaryna qatysý úshin birinshi charterlik reıspen ushyp barady.

Túske deıin Boks federaııasynyń prezıdenti, meenat Keńes Raqyshev aeroportqa qurama komandany shyǵaryp salýǵa baryp, boksshylar men jattyqtyrýshylarǵa sáttilik tiledi.

Qazaqstan delegaııasynyń basty úmiti — boksshylar — Hanchjoýdaǵy Jazǵy Azııa oıyndaryna attandy. Bas jattyqtyrýshy Myrzaǵalı Aıtjanovtyń shákirtteri birinshi charterlik reıspen ushyp barady. Osylaısha boksshylardyń jergilikti aýa-raıyna beıimdelý úshin bes kúndeı ýaqyty bolady, — dedi ol sportshylardy shyǵaryp salǵan soń.

Keńes Raqyshev osydan eki apta buryn áıelder quramasyn alys jolǵa shyǵaryp salǵan bolatyn. Endi mine, erler komandasyna aq jol tileý úshin Almatynyń halyqaralyq áýejaıyna baryp, ulttyq quramanyń músheleriniń qoldaryn qysyp, sáttilik tilep qaıtty.

Federaııa basshysy bylǵary qolǵap sheberlerine jyly lebizderin bildirip, aldaǵy maqsat-josparlardy da aıtyp berdi. О́ıtkeni, elimizdiń kók baıraǵyn bıikke kóterý — zor mártebe ári úlken jaýapkershilik! Sondyqtan júldeler men lıenzııalardy jeńip alý basty mindet.

Áýejaıǵa boksshylardy shyǵaryp salýǵa Sıdneı Olımpıadasynyń chempıony Ermahan Ibraımov ta keldiú Ol sportshylarǵa batasyn berip, aq tilekterin jetkizdi.

Bıylǵy Azıadan keıin QBF prezıdentiniń jeke qarajatynan syıaqylar beriledi. Altyn medal úshin chempıondar 50 myń AQSh dollaryn, kúmis júldegerler  30 myń AQSh dollaryn, qola medal úshin  10 myń AQSh dollaryn alady.

Qytaı sharshy alańynda el namysyn qorǵaıtyn boksshylar:

51 kg. Sáken Bıbosynov

57 kg. Mahmud Sabyrhan

63.5 kg. Ertýǵan Zeınýlınov

71 kg. Aslanbek Shymbergenov

80 kg. Nurbek Oralbaı

92 kg. Saǵyndyq Toǵambaı

+ 92 kg. Qamshybek Qonqabaev

XIX Jazǵy Azııa oıyndary 23 qyrkúıek pen 8 qazan aralyǵynda Qytaıdyń Hanchjoý qalasynda ótedi. Qazaqstan quramasynan 500-den astam sportshy sporttyń 30 túrinen synǵa túsedi. Tarıhta alǵash ret Azııa oıyndarda Olımpıada lıenzııalary sarapqa salynady.

Boksshylardyń básekesi 25 qyrkúıekte bastalady.

 

Dastan KENJALIN,

ASTANA

 

 

View this post on Instagram

 

A post shared by Kazakhstan Boxing Federation (@boxingkazakhstan)