XIX Azııa oıyndary: júldeniń bárin dzıýdoshylar alyp jatyr (FOTO)

Búgin Qytaıdyń Hanchjoý qalasynda ótip jatqan Azııa oıyndarynda elimizge tórtinshi júldeni taǵy da dzıýdoshy jeńip aldy. Bul medaldi 81 keli salmaqta óner kórsetken Abylaıhan Jubanazar ıelendi. Ol qola júlde úshin beldesýde ózbekstandyq Mýso Sobırovtan basym tústi.

Sóıtip, ázirshe, Qazaqstan dzıýdoshylary 1 kúmis, 3 qola júlde ıelendi.

Balýan 2001 jyly Qyzylorda oblysynda týǵan.

Álemdik reıtıngte 2646 upaımen 15-orynda keledi.

Abylaıhan Jubanazar — halyqaralyq dárejedegi sport sheberi, Qazaqstanyń birneshe dúrkin chempıony. Bıyl Grand Slam halyqaralyq reıtıngtik týrnırde ekinshi oryn alǵan. Jattyqtyrýshysy — Qalıuly Qalen.

Buǵan deıin habarlanǵandaı, Ábıba Ábýjaqynova 48 kelige deıingi salmaqta kúmis medaldi jeńip salsa, 60 kelige deıingi salmaq dárejesinde Maǵjan Shamshadın men 63 kelige deıingi salmaqta óner kórsetken Esmıgúl Kýıýlova qola júldeni ıelengen bolatyn.

Dastan KENJALIN,

ASTANA