Fýtboldan Belgııa men Shveııa matchy kezinde atys bolyp, eki adam qaza tapty (VIDEO)

Búgin Brıýssel qalasynda avtomatpen qarýlanǵan belgisiz adam halyqqa oq atqan. Ol skýterge minip, kóshede aldyna kezdesken adamdarǵa oq jaýdyryp, eki er adamdy atyp tastap, bir áıeldi jaralaǵan.

Atys fýtboldan Belgııa men Shveııa elderiniń ulttyq qurama komandalarynyń matchy kezinde bolǵan. Qaza tapqan adamnyń ekeýi de Shveııa quramasynyń jankúıerleri bolyp shyqty.

Kóshedegi atysqa baılanysty matchtyń birinshi taımy ǵana bolyp, oıynshylar ekinshi taımǵa shyqqan joq. Terrorıst túni boıy skýterimen kóshe aralap júrgen. Ol tek tań ata dámhanalardyń birinde ustalǵan. Sol jerde polıeıler onyń kózin joıǵan.

Belgııa BAQ-nyń habarlaýynsha, terrorısttiń jasy 45-te bolǵan. Ol qyzǵylt sary beshpet kıip, atys aldynda ózin IGIL uıymynyń múshesi ekenin jáne musylmandar úshin kek alatynyn aıtyp, Shveııa komandasynyń jeıdesin kıgen eki er adamdy atyp tastaǵan. Bir áıeldi aýyr jaralaǵan. Sodan keıin ol oqıǵa ornynan ketip, Kalashnıkov avtomatyn ustap, qala kóshelerin aralaǵan. Al polıııa kúdiktiniń izine túsip, onyń úıin tintken. Biraq onyń Sharbek kommýnasyndaǵy úıinen qarý-jaraq tabylmaǵan (Sharbek – Brıýssel qalasynyń 19 kommýnasynyń biri, – red).

Terrorıst Sharbekte turǵan.  Aty -Abdesálem. Ol Belgııaǵa zańsyz kelgen. Shamasy, Týnısten kelgen bolý kerek, –  delingen Belgııa BAQ-da.

Lańkes buryn da sottalǵan kórinedi. Ol terrorızm baby boıynsha bas bostandyǵynan aıyrylyp, birneshe jyl túrmede otyryp shyqqan eken.

Dastan KENJALIN,

ASTANA