«بەسىنشى التىن مەدال!»: نۇرداۋلەت جۇماعالي پاراازيادانى جەڭىپ الدى

قىتايدىڭ حانچجوۋ قالاسىنان تاعى ءبىر قۋانىشتى حابار كەلىپ جەتتى. ەرلەر  اراسىندا سۋعا ءجۇزۋ جارىسىندا نۇرداۋلەت جۇماعالي التىن مەدالدى جەڭىپ الدى. ول 1 مينۋت 05.92 سەكۋندتتا 100 مەتردى براسس ستيلىمەن ءجۇزىپ ءوتتى، دەپ حابارلادى تۋريزم جانە سپورت مينيسترلىگى.

تۋريزم جانە سپورت ءمينيسترى ەرمەك مارجىقپاەۆ سپورتشىلاردى وسى قۋانىشتى حابارمەن قۇتتىقتادى.

نۇرداۋلەتتى ازيا ويىندارىنداعى جەڭىسىمەن قۇتتىقتايمىن! سپورتشىلاردى جارىسقا دايىنداۋمەن اينالىسقان جاتتىقتىرۋشىلاردىڭ جۇمىسىن ەرەكشە اتاپ وتكىم كەلەدى. قالعان جارىس كۇندەرىندە ءبىزدىڭ قۇراماعا ساتتىلىك تىلەيمىن!، — دەدى ول.

بۇعان دەيىن سپورتشىلارىمىز ءتورت التىن جۇلدەنى جەڭىپ العان ەدى. ونىڭ ۇشەۋىن پارادزيۋدوشىلارىمىز يەلەندى. ال وسى جولى سۋعا جۇزۋدەن وتكەن جارىستا نۇرداۋلەت جۇماعالي 1 مينۋت 05.92 سەكۋندتتا 100 مەتردى براسس ستيلىمەن ءجۇزىپ ءوتتى. سىننان سۇرىنبەدى.

پاراازيادادا باسقا التىن جۇلدەنى پارا دزيۋدودان 73 كگ سالماقتا ونەر كورسەتكەن ولجاس ءورازالى ۇلى (J2 ساناتى)، ەرعالي شامەي، اقمارال ناۋاتبەك مەن پاۋەرليفتەر داۆيد دەگتيارەۆ جەڭىپ الدى.

فوتو: Paralympics.kz