«Besinshi altyn medal!»: Nurdáýlet Jumaǵalı Paraazıadany jeńip aldy

Qytaıdyń Hanchjoý qalasynan taǵy bir qýanyshty habar kelip jetti. Erler  arasynda sýǵa júzý jarysynda Nurdáýlet Jumaǵalı altyn medaldi jeńip aldy. Ol 1 mınýt 05.92 sekýndtta 100 metrdi brass stılimen júzip ótti, dep habarlady Týrızm jáne sport mınıstrligi.

Týrızm jáne sport mınıstri Ermek Marjyqpaev sportshylardy osy qýanyshty habarmen quttyqtady.

Nurdáýletti Azııa oıyndaryndaǵy jeńisimen quttyqtaımyn! Sportshylardy jarysqa daıyndaýmen aınalysqan jattyqtyrýshylardyń jumysyn erekshe atap ótkim keledi. Qalǵan jarys kúnderinde bizdiń quramaǵa sáttilik tileımin!, — dedi ol.

Buǵan deıin sportshylarymyz tórt altyn júldeni jeńip alǵan edi. Onyń úsheýin paradzıýdoshylarymyz ıelendi. Al osy joly sýǵa júzýden ótken jarysta Nurdáýlet Jumaǵalı 1 mınýt 05.92 sekýndtta 100 metrdi brass stılimen júzip ótti. Synnan súrinbedi.

Paraazıadada basqa altyn júldeni para dzıýdodan 73 kg salmaqta óner kórsetken Oljas Orazáliuly (J2 sanaty), Erǵalı Shameı, Aqmaral Naýatbek men paýerlıfter Davıd Degtıarev jeńip aldy.

FOTO: Paralympics.kz