قازاق بالۋانى UWW شەشىمىمەن قازان ايىنىڭ ۇزدىك سپورتشىسى اتاندى

بۇكىلالەمدىك كۇرەس ۇيىمى (United World Wrestling — گرەك-ريم كۇرەسى، ەركىن كۇرەس جانە ايەلدەر كۇرەسىنىڭ حالىقارالىق فەدەراتسياسى، — رەد.) قازان ايىنىڭ قورىتىندىسى بويىنشا ۇزدىك بالۋانداردى انىقتادى. 

ەرلەر اراسىندا قازاق بالۋانى سۇلتان اسەت ۇلى گرەك-ريم كۇرەسىنەن ايدىڭ ۇزدىك سپورتشىسى اتاندى. ول جاقىندا البانيانىڭ استاناسى – تيرانا قالاسىندا وتكەن 23 جاسقا دەيىنگى جاستار اراسىنداعى الەم چەمپيوناتىندا 67 كەلىگە دەيىنگى سالماقتا چەمپيون اتاعىن جەڭىپ الدى.

ءسويتىپ، سۇلتان اسەت ۇلى 23 جاسقا دەيىنگى جاستار اراسىندا əلەم چەمپيونى اتانعان تۇڭعىش قازاق بالۋانى بولدى.

ايەلدەر اراسىندا امەريكالىق ەميت ەلور ايدىڭ ۇزدىك بالۋانى اتاندى. ول دا جاستار اراسىنداعى الەم چەمپيوناتىندا 72 كەلىگە دەيىنگى سالماقتا چەمپيون اتاعىن جەڭىپ العان.

داستان كەنجالين،

استانا

فوتو: gov.kz

 

View this post on Instagram

 

A post shared by Olympic Wrestling (@unitedworldwrestling)