Qazaq balýany UWW sheshimimen qazan aıynyń úzdik sportshysy atandy

Búkilálemdik kúres uıymy (United World Wrestling — grek-rım kúresi, erkin kúres jáne áıelder kúresiniń halyqaralyq federaııasy, — red.) qazan aıynyń qorytyndysy boıynsha úzdik balýandardy anyqtady. 

Erler arasynda qazaq balýany Sultan Ásetuly grek-rım kúresinen aıdyń úzdik sportshysy atandy. Ol jaqynda Albanııanyń astanasy – Tırana qalasynda ótken 23 jasqa deıingi jastar arasyndaǵy álem chempıonatynda 67 kelige deıingi salmaqta chempıon ataǵyn jeńip aldy.

Sóıtip, Sultan Ásetuly 23 jasqa deıingi jastar arasynda əlem chempıony atanǵan tuńǵysh qazaq balýany boldy.

Áıelder arasynda amerıkalyq Emıt Elor aıdyń úzdik balýany atandy. Ol da jastar arasyndaǵy álem chempıonatynda 72 kelige deıingi salmaqta chempıon ataǵyn jeńip alǵan.

Dastan KENJALIN,

ASTANA

FOTO: gov.kz

 

View this post on Instagram

 

A post shared by Olympic Wrestling (@unitedworldwrestling)