Qazaqstan sportshylarynyń ótken aptadaǵy júldeleri

Týrızm jáne sport mınıstrligi habarlaǵandaı, ótken aptada Qazaqstan sportshylary birneshe jarysqa qatysyp, júldeni jeńip aldy.

Ońtústik Koreıanyń Changvon qalasynda nysana kózdeý jáne stend atýdan ótken lıenzııalyq Azııa chempıonatynda Qazaqstan ulttyq quramasynyń sportshylary 33 medal, onyń ishinde 8 altyn, 11 kúmis jáne 14 qola júlde (nysana kózdeý – 7-7-9; stend atý – 1-5-4) ıelendi. Bul jarysqa Azııanyń 32 elinen 800-den asa mergen qatysty.

Astanada bokstan jastar men jasóspirimder arasynda ótken Azııa chempıonatynda otandastarymyz 15 altyn, 11 kúmis jáne 15 qola medal jeńip aldy. Oǵan 400-den asa jas daryndy boksshy qatysyp, kúsh synasty.

Úndistannyń Kerala qalasynda ótken maýntınbaıktan Azııa chempıonatyna el sportshylary eki júldege ıe boldy. Kross-kantrıden (olımpık) 23 jasqa deıingi veloshabandozdar arasynda Egor Karasev chempıon atandy. Onyń ýaqyt kórsetkishi – 1:21:27.650 sekýnd (3,5 shaqyrymnan 6 aınalym). Sondaı-aq, kross-kantrı estafetasynda Almas Saǵyndyqov, Denıs Sergıenko, Egor Karasev, Alekseı Fefelov, Alına Sarkýlova qola júldege ıe boldy.

Saýd Arabııasynyń bas shahary – Ar-Rııadta alaýy tutanǵan V Búkilálemdik jaýyngerlik óner oıyndarynda Qazaqstan delegaııasy 12 altyn, 13 kúmis pen 23 qola medal jeńip alyp, jalpy esepte úshinshi orynnan kórindi. Eki aptaǵa jýyq jalǵasqan dodaǵa 16 sport túrinen 1500-den astam atlet qatysyp, 954 medaldi ózara sarapqa saldy.

Tennısshi Jibek Qulambaeva Týnıstiń Monastır qalasynda ótken ITF W25 týrnıriniń juptyq básekesinde úzdik shyqty. Ol Afrıka qurlyǵyndaǵy jarysta qytaılyq Gao Sınıýımen jup qurap, fınalda Alena Faleı (Belarýs) – Polına Iaenko (Reseı) jubynan úsh sette – 6:0, 2:6, 10:7 esebimen basym tústi.

Sondaı-aq erler arasyndaǵy álemdik reıtıngte 247-satyda turǵan Beıbit Juqaev AQSh-tyń Sharlotsvıll qalasynda aıaqtalǵan «Chellendjer» týrnıriniń jeńimpazy atandy. Ol fınalda dúnıejúzilik reıtıngte 376-orynda turǵan amerıkalyq Eıdan Meıony eki sette 6:3, 6:4 esebimen jeńdi. Osy jeńisiniń arqasynda otandasymyz TOP 200 tennısshiniń qataryna qosylyp (195-oryn), Qazaqstannyń ekinshi raketkasy atandy.

Kırıll Gerasımenko ústel tennısinen Slovenııanyń Otoche qalasynda ótken «WTT Feeder Otocec 2023» halyqaralyq týrnıriniń jeńimpazy atandy.

5 qarashada Pákistannyń astanasy — Islamabadta taekvondodan G2 sanatynda ótken Asian Open Championship halyqaralyq týrnırinde sportshylarymyz 13 medal aldy.

Altyn medaldi  Nuraı Qusaıynova (67 kg), Nargız Qoıshybekova (46 kg), Marııa Sevostıanova (57 kg), Javohırhan Islamov (58 kg), Jansel Denız (+73 kg) jeńip alsa, kúmis júldeni Aıdana Edilbaeva (46 kg), qola medaldi Beksultan Musahan (68 kg), Eldar Birimbaı (68 kg), Nurbol Ersaıynov (87 kg), Araılym Asqarova (57 kg), Dıana Absenova (73 kg), Jadyra Haırýllına (67 kg) men Samırhon Ababakırov (58 kg) ıelendi.

Jalpy esepte Qazaqstan əıelder quramasy birinshi, erler komandasy úshinshi oryn aldy. Týrnırge 21 memleketten 350 taekvondoshy qatysty.

FOTO: Týrızm jáne sport mınıstrligi Sportty damytý dırekııasy