SportPress.kz Qazaqstan sport jańalyqtary
Shaǵyn fýtboldan Qazaqstannyń áýesqoılar qurama komandasy Birikken Arab Ámirliginiń Ras-el-Haım qalasynda ótken álem chempıonatynda kúmis medalıst atandy. Elimiz quramasy fınalda Rýmynııa komandasynan aılasyn asyra almady.
Oıynnyń negizgi ýaqyty 2:2 esebimen teń aıaqtalyp, matchtyń sońynda berilgen 11-metrlik penaltıde el quramasy qarsylastarynan 11:12 esebimen jeńildi.
El quramasy bıylǵy álem chempıonatynda A tobynda synǵa túsip, Ganany 7:0, Úndistandy 16:0, Birikken Arab ámirligin 2:1 esebimen jeńdi.
Odan keıin Meksıka quramasynan (0:0, 2:1 — penaltıden), Chehııa komandasynan (3:3, 3:2 — penaltıden), Ázerbaıjan jasaǵynan (3:2) basym tústi.
Buǵan deıin el quramasy 2015, 2017 jyldarda álem chempıonatynda 11-oryn alǵan edi.
Bıylǵy chempıonatta qurama komanda Qaraǵandynyń «Bıosfera» klýbynan jasaqtaldy.
Dastan KENJALIN,
ASTANA
