بۇگىن استانادا دزيۋدودان قازاقستان چەمپيوناتى باستالادى

بۇگىن استانادا دزيۋدودان ەرلەر مەن ايەلدەر اراسىنداعى قازاقستان  چەمپيوناتى باستالادى. ەل چەمپيوناتى 12 مەن 15 قاراشا ارالىعىندا جاقسىلىق ۇشكەمپىروۆ اتىنداعى جەكپە-جەك سارايىندا بولادى، دەپ حابارلادى تۋريزم جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى.

بيىلعى قازاقستان چەمپيوناتىنا ەلىمىزدىڭ 17 وبلىسى مەن استانا، الماتى جانە شىمكەنت قالالارىنان بارلىعى 500-گە جۋىق دزيۋدوشى (ەرلەر 320، ايەلدەر 144) قاتىسادى.

جارىس كەستەسىنىڭ العاشقى كۇنى جەكپە جەك سارايىندا مانداتتىق كوميسسيا شەڭبەرىندە سپورت جانە دەنە شىنىقتىرۋ ىستەرى كوميتەتىنىڭ توراعاسى ە. مىرزابوسىنوۆ وڭىرلەردىڭ اعا جاتتىقتىرۋشىلارى، فەدەراتسيا وكىلدەرىمەن، تورەشىلەرمەن كەزدەسۋ وتكىزدى. كەزدەسۋدە سپورت سالاسىنا قاتىستى وزەكتى ماسەلەلەر كوتەرىلدى.

*باعدارلاما*
11.11 — كوماندالاردىڭ كەلۋ كۇنى. مانداتتىق كوميسسيا.

12.11 — جارىستىڭ ءبىرىنشى كۇنى
48 كگ، 52 كگ. (ايەلدەر)
60 كگ، 66 كگ. (ەرلەر)

13.11 — ەكىنشى كۇنى
57 كگ، 63 كگ، 70 كگ. (ايەلدەر)
73 كگ، 81 كگ، (ەرلەر)
اشىلۋ سالتاناتى 16.30

14.11 — ءۇشىنشى كۇن
78 كگ، +78 كگ.
90 كگ، 100 كگ، +100 كگ

15.11 — ءتورتىنشى كۇن
كوماندالىق جارىس