باقتيەر زاينۋتدينوۆ الداعى ماتچتاردا ويناي ما؟ – باس جاتتىقتىرۋشىنىڭ جاۋابى (ۆيدەو)

فۋتبولدان قازاقستان قۇراماسى مەن تۇركيانىڭ «بەشيكتاش» كلۋبىنىڭ جارتىلاي قورعاۋشى باقتيەر زاينۋتدينوۆ ۇلتتىق قۇرامانىڭ 2024 جىلعى ەۋروپا چەمپيوناتىنىڭ ىرىكتەۋ ءتۋرنيرى اياسىنداعى 17 قاراشادا سان-مارينو مەن 21 قاراشادا سلوۆەنيا كومانداسىمەن بولاتىن ماتچتارىنا قاتىسپايدى. بۇل تۋرالى ۇلتتىق قۇرامانىڭ باس جاتتىقتىرۋشىسى ماگومەد اديەۆ ايتتى.

باقتيار قازاقستان قۇراماسى ساپىندا الداعى ماتچتاردا وينامايدى. ونىڭ قاي كەزدە ەمدەلىپ شىعاتىنىن راسى كەرەك، بىلمەيدى ەكەنمىن. دارىگەرلەر قاشان ەمدەلىپ شىعاتىنىن ايتقان جوق، — دەدى ول.

ەسكە سالساق، بۇگىن «بەشيكتاش» كلۋبى جارتىلاي قورعاۋشى باقتيەر زاينۋتدينوۆقا تۇركيا چەمپيوناتىندا «ىستانبۇل باشاكشەحير» كومانداسىمەن ماتچتا العان جاراقاتىنان كەيىن  وتا جاسالعانىن حابارلادى.

باقتيەر زاينۋتدينوۆ ماتچتىڭ 37-مينۋتىندا جاراقات العان سوڭ، مۇرنىنا وپەراتسيا جاسالدى. ونىڭ مۇرىن سۇيەگى مەن اڭعالاعىنىڭ نەگىزى سىنعانى انىقتالدى. زاينۋتدينوۆتىڭ مۇرنىنا وتا جاسالىپ، تاڭعىش قالاق سالىندى، – دەلىنگەن حابارلامادا.

بۇعان دەيىن قازاقستان فۋتبول فەدەراتسياسى زاينۋتدينوۆتىڭ جاراقاتىنا بايلانىستى مالىمدەمە جاساپ، ونىڭ  ۇلتتىق قۇرامانىڭ الداعى ماتچتارىندا الاڭعا شىقپاۋى مۇمكىن ەكەنىن ايتقان بولاتىن.

ال باقتيەر زاينۋتدينوۆتىڭ مۇرنىن سىندىرعان «ىستانبۇل باشاكشەحير» كومانداسىنىڭ ويىنشىسى جەروم وپۋكۋ بارلىق جانكۇيەردەن ويىن كەزىندە قازاقستان فۋتبولشىسىن جاراقاتتاعانى ءۇشىن كەشىرىم سۇرادى.

مەن وسى وقيعادان كەيىن ءناسىلشىل ماعىناداعى كوپ سوزدەر ەستىدىم. ماعان كوپ كوممەنتاري كەلدى. بۇل دۇرىس ەمەس دەپ ويلايمىن. مەن ونى ادەيى جاراقاتتاعان جوقپىن. كەشىرشى مەنى، باۋىرىم! ساعان تەز جازىلىپ كەتۋىنە تىلەكتەسپىن!، — دەدى ول.

ەندى قازاقستان قۇراماسى 2024 جىلعى ەۋروپا چەمپيوناتى ىرىكتەۋ تۋرنيرىندەگى سوڭعى ەكى ويىنىن باقتيەر زاينۋتدينوۆسىز وتكىزەدى. ۇلتتىق قۇراما استانادا 17 قاراشادا سان-مارينومەن، 21 قاراشادا مىرت الاڭدا سلوۆەنيا كومانداسىمەن وينايدى.

داستان كەنجالين،

استانا

 

View this post on Instagram

 

A post shared by Kazakhstan national football team (@kff_team)