SportPress.kz قازاقستان سپورت جاڭالىقتارى
شىمكەنت قالاسىنىڭ دەنە شىنىقتىرۋ جانە سپورت باسقارماسىنا جاڭا باسشىسى كەلدى. بۇل تۋرالى Facebook-تە جۋرناليست ءىلياس جولداس ايتتى.
باسقارماعا جاڭا ديرەكتور بولىپ حالىقارالىق دارەجەدەگى سپورت شەبەرى ماراتبەك مىقتىبەكوۆ تاعايىندالدى.
ماراتبەك مىقتىبەكوۆ 1981 جىلى تۇركىستان وبلىسى بايدىبەك اۋدانىندا تۋعان. سامبودان حالىقارالىق دارەجەدەگى سپورت شەبەرى، جاسوسپىرىمدەر اراسىندا الەم چەمپيونى، دزيۋدودان جاستار اراسىندا الەم چەمپيوناتىنىڭ قولا جۇلدەگەرى.
كوپ جىلدارى سپورت سالاسىندا ءتۇرلى لاۋازىمدى قىزمەتتە، سونىڭ ىشىندە كۇرەس تۇرلەرى بويىنشا وليمپيالىق دايارلاۋ ورتالىعىنىڭ ديرەكتورى، دزيۋدو فەدەراتسياسىنىڭ ءبىرىنشى ۆيتسە-پرەزيدەنتى، بوكستان ازيا كونفەدەراتسياسى اتقارۋشى ديرەكتورىنىڭ كەڭەسشىسى، تۋريزم جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتى سپورتتى دامىتۋ ديرەكتسياسىنىڭ ديرەكتورى، قازاقستان بوكس فەدەراتسياسى پرەزيدەنتىنىڭ كەڭەسشىسى، قازاقستان بوكس فەدەراتسياسىنىڭ اتقارۋشى ديرەكتورى لاۋازىمدارىندا قىزمەت اتقاردى.
جاڭا باسشىنى ۇجىمعا تانىستىرعان قالا اكىمىنىڭ ورىنباسارى سارسەن قۇرانبەك مەگاپوليس قالانىڭ سپورتىنىڭ دامۋ ۇستىندە ەكەندىگىن، ازيا ويىندارىنداعى سپورتشىلار كورسەتكەن جەتىستىكتى كەلەسى جىلى فرانتسيانىڭ پاريج قالاسىندا وتەتىن وليمپيادادا قايتالاۋ ءۇشىن جۇيەلى جۇمىستار جاساۋ كەرەكتىگىن ايتتى.
سونىمەن بىرگە قالا اكىمىنىڭ ورىنباسارى شىمكەنتتە بۇقارالىق دەنە تابيەسىمەن اينالىسۋشىلاردىڭ قاتارىن كوبەيتۋدى تاپسىردى. وسى ماقساتتا جۇمىسقا جاڭاشا كوزقاراسپەن قاراۋ كەرەكتىگىن ەسكەرتتى.
