Boks keshindegi Qazaqstan quramasynyń qarsylastary anyqtaldy

Astanada 15 jeltoqsanda Halyqaralyq boks federaııasynyń uıymdastyrýymen bolatyn kásipqoı bokstan «Chempıondar keshinde» Qazaqstan bylǵary qolǵap sheberlerimen sharshy alańǵa shyǵatyn sheteldiń ókilderi anyqtaldy.

Keshte 8 jekpe-jek bolady. Oǵan ulttyq quramanyń úzdikteri qatysady. Sonymen 51 kelide álem chempıony Sanjar Táshkenbaı О́zbekstannyń ókili Nodırjan Mırzaahmedovpen, 57 keli salmaqta taǵy bir álem chempıony Mahmud Sabyrhan kýbalyq Osvaldo Dıaspen,  63,5 kelide Serik Temirjanov Reseıdiń boksshysy Pavl Federovpen sharshy alańǵa shyǵady. 71 kg salmaqta ulttyq quramanyń kapıtany Aslanbek Shymbergenov meksıkalyq Hose Mıgel Borregomen,  Danııar Eleýsinov Djabýlanı Makhense Ońtústik Afrıka Respýblıkasynyń ókili Djabýlanı Makhensemen qolǵap túıistiredi.

Sonymen birge 80 kelide Bekzat Nurdáýletov reseılik Nıkıta Zonmen, Erasyl Jaqypbekov Nıderlandynyń sportshysy Gradýs Kraýspen sharshy alańda jolyǵady.

Jekpe-jekter 3 mınýttan turatyn 6 raýndqa sozylady.

Dastan KENJALIN,

ASTANA