سەيداحمەت بەردىقۇلوۆ اتىنداعى «ۇزدىك سپورت ءجۋرناليسى» بايقاۋى بولادى

تۋريزم جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى 2023 جىلدىڭ 1 جەلتوقسانىنان 20 جەلتوقسانىنا دەيىن سپورت تاقىرىبىنا ماماندانعان باق وكىلدەرى اراسىندا قارىمدى قالامگەر، قوعام قايراتكەرى سەيداحمەت بەردىقۇلوۆ اتىنداعى ءداستۇرلى بايقاۋعا ماتەريالدار قابىلداۋ باستالعانىن حابارلادى.

كونكۋرس جىل سايىن جەلتوقسان ايىنىڭ ەكىنشى جارتىسىندا ءۇش نوميناتسيا بويىنشا وتكىزىلەدى:

1) «ۇزدىك سپورتتتىق تەلەۆيزيالىق رەپورتاج»;

2) «ۇزدىك سپورتتىق جاريالانىم»;

3) «ۇزدىك سپورتتىق فوتورەپورتاج».

كونكۋرسقا قاتىسۋ ءۇشىن بايقاۋعا قاتىسۋشى ۋاكىلەتتى ورگانعا مىنا قۇجاتتاردى:

1) ءبىر نوميناتسيا بويىنشا كونكۋرسقا قاتىسۋ ءۇشىن ەركىن نىسانداعى ءوتىنىشتى ء(وتىنىش تەك ءبىر نوميناتسيا بويىنشا كونكۋرسقا قاتىسۋ ءۇشىن ۇسىنىلادى);

2) كونكۋرسقا قاتىسۋشىنىڭ شىعارماشىلىق قىزمەتىنىڭ قىسقاشا سيپاتتاماسىن;

3) سپورتشىعا نەمەسە سپورتتىق وقيعاعا ارنالعان، ەفيرگە شىققان جانە/نەمەسە باسپا نەمەسە ەلەكتروندى باق-تا 2023 جىل ىشىندە جارىق كورگەن جۇمىستى (بەينەماتەريال، اۋديوماتەريال، جاريالانىم (قاعاز نە ەلەكتروندىق داناسى)، فوتوجۇمىس (فوتورەپورتاج) ۇسىنادى.

جۇمىس قاعاز نەمەسە ەلەكتروندىق پوشتاعا (جاريالانىم سىلتەمەسىمەن) ۇسىنىلادى.

بايقاۋعا قاتىسۋشىلارعا قويىلاتىن باستى تالاپتار:

– ۇمىتكەرلەر الەم جانە ازيا چەمپيوناتتارىنا، الەم كۋبوكتارىنا، حالىقارالىق جارىستارعا جانە قازاقستان بىرىنشىلىكتەرىنە ارنالعان جاريالانىمدار (وچەركتەر، ماقالالار، تالداۋ، تەلەترانسلياتسيالار، تەلەكوپىرلەر جانە ت.ب.).

– قازاقستاندىق باق-تا بۇقارالىق سپورتتى، بالالار مەن جاسوسپىرىمدەر اراسىنداعى سپورتتى، مۇگەدەكتەر اراسىنداعى جانە ۇلتتىق سپورت تۇرلەرىنەن سپورت ويىندارىن (سپارتاكيادالار، تۋرنيرلەر، ۇلتتىق سپورت تۇرلەرى فەستيۆالى، اۋىل سپورتى) ت.ب. ناسيحاتتاۋ سىندى تاقىرىپتاردى قامتۋى ءتيىس.

– سونداي-اق، ەلىمىزدە دەنە شىنىقتىرۋ جانە سپورت سالاسىنىڭ پروبلەمالارىن كوتەرۋ جانە ونىڭ شەشۋ جولدارىن كورسەتۋ، ليتسەنزيالىق جارىستاردى ناسيحاتتاۋ (تەلە جانە راديو تۇسىرىلىمدەر مەن باعدارلامالار، ينتەرنەت، گازەت جانە جۋرنالداعى ماقالالار مەن وچەركتەر) قۇپتالادى.

بايقاۋعا 2023 جىلى شىققان اۆتورلىق جۇمىستار (كىتاپتار، سپورتتىق ەنتسيكلوپەديالار، ت.ب.) دا قاتىسا الادى.

وتىنىشتەر مەن ماقالالار استانا قالاسى، ماڭگىلىك ەل كوشەسى، 8 ءۇي، 6 قابات، سپورت جانە دەنە شىنىقتىرۋ ىستەرى كوميتەتىنىڭ ءباسپاسوز قىزمەتىنە نەمەس sportpress86@mail.ru ەلەكتروندىق پوشتاسى ارقىلى («2023 جىلعى س. بەردىقۇلوۆ اتىنداعى بايقاۋعا» دەگەن بەلگىمەن) قابىلدانادى.

قابىلداۋ مەرزىمى — 2023 جىلدىن 20 جەلتوقسانىنا دەيىن. بايقاۋدىڭ جەڭىمپازدارى ديپلوم جانە اقشالاي سىيلىققا يە بولادى.