Shaıbaly hokkeıden ÁCh: Qazaqstan jastar quramasy úshinshi ret jeńiske jetti

Majarstannyń Býdapesht qalasynda hokkeıden 20 jasqa deıingi jastar arasynda ótip jatqan álem chempıonatynyń IA dıvızıonynda Qazaqstannyń jastar quramasy Franııa komandasyn 4:0 esebimen jeńip, qatarynan úshinshi jeńisine jetti.

Buǵan deıin jastar quramasy Majarstandy 5:2, Danııany 3:2 esebimen jeńgen edi. Endi osy úsh jeńisten keıin Qazaqstan komandasy  IA dıvızıonynda kósh bastady. Bul dıvızıonda Sergeı Starygın jattyqtyratyn jastar quramasy Avstrııa, Vengrııa, Franııa, Japonııa men Danııa quramalarymen oınap jatyr.

Franııamen matchta qarsylastar Dáýlet Nurkenov 8, 52, Egor Smolıanınov 31, Aleksandr Kım 53-mınýtta shaıba saldy. Olarǵa Dmıtrıı Breýs, Ádil Beısembaev, Roman Ermak, Vsevolod Logvın, Aleksandr Kım, Beıbarys Orazov, Egor Smolıanınov pen Kırıll Lıapýnov shabýyl uıymdastyryp, nátıjeli pas berdi.

Bul matchta Franııa quramasy da favorıttiń biri bolǵan edi. Olar osy matchtyń aldynda Danııa-U20 quramasyn 6:4 esebimen jeńgen bolatyn. Onyń ústine Franııanyń qaqpasyn Kanadadan shaqyrylǵan Antonıe Keller kúzetti. Biraq taktıkalyq turǵyda Qazaqstan komandasy óte saýatty oınady. Oıynda Qazaqstan hokkeıshileri Kellerdiń qaqpasyna 40 ret nysanaǵa alyp, sonyń tórteýin ǵana golǵa aınaldyrdy. 40 soqqynyń tórteýin ǵana qaqpaǵa jibergen Franııanyń qaqpashysy shynymen de talantty eken.

Endi Qazaqstan hokkeıshileri 14 jeltoqsanda Japonııamen kezdesse, 17 jeltoqsanda Avstrııaǵa qarsy aıdynǵa shyǵady.

Jastar quramasy álem chempıonatynyń birinshi dıvızıonynda alty ret oınady. Sonyń tórteýinde jeńimpaz atanyp, elıtalyq dıvızıonǵa joldama alǵan edi. Al elıtalyq dıvızıonda segiz ret baq synap,1999 jyly bir ret altynshy orynǵa shyqty.

Qazaqstan jastar quramasy álem chempıonatyna myna quramda qatysyp jatyr:

Qaqpashylar – Vladımır Nıkıtın (Chilliwack Chiefs, BCHL, Kanada), Vladımır Istomın («AKM-Iýnıor»), Artem Shestakov («Snejnye barsy, JHL);

Qorǵaýshylar – Beıbarys Orazov, Artem Avdeenko, Roman Bolshedvorskıı, Gleb Reshetko, Mstıslav Shıpılın (bári de – «Snejnye Barsy»), Dıar Manash, Danıal Shaqshaqbaev («Nomad», Pro Ligasy), Dmıtrıı Breýs («Chaıka»), Kırıll Han («Torpedo», О́skemen);

Shabýylshylar – Rýslan Ospanov, Vsevolod Logvın (ekeýi de – «Barys»), Ádil Beısembaev, Asanáli Rýslanuly, Artýr Gross, Roman Ermak, Kırıll Lıapýnov, Aleksandr Mıgýnov, Semen Sımonov, Nıkıta Sıtnıkov, Egor Smolıanınov (bári de – «Snejnye Barsy»), Aleksandr Kım, Davlat Núrkenov (ekeýi de – Assat, Fınlıandııa).

Dastan KENJALIN,

ASTANA