Memleket basshysy fýtzaldan Qazaqstan-Nıderland matchyn tamashalaıdy  — QFF

Búgin Astanadaǵy Jaqsylyq Úshkempirov atyndaǵy jekpe-jek saraıynda 2024 jylǵy fýtzaldan álem chempıonatynyń elıtalyq irikteý týrnıri aıasynda Qazaqstan men Nıderland quramalarynyń  matchy bolady. Match saǵat 20:30-da bastalady.

Qazaqstan fýtbol federaııasynyń habarlaýynsha, matchty tamashalaýǵa memleket basshysy Qasym-Jomart Toqaev barady.

Buǵan deıin fýtboldan Qazaqstan men San-Marıno komandalarynyń arasyndaǵy oıynda fýtzaldan ulttyq quramanyń bas jattyqtyrýshysy Paýlo Rıkardo Kaka prezıdent Qasym-Jomart Toqaevpen kezdesip, ony fýtzaldan elimizdiń bas komandasynyń oıynyna shaqyrǵan edi.

Qasym-Jomart Kemelulymen kezdesýde ol maǵan fýtzaldyń óte jaqsy damyp jatqanyn,  ulttyq quramanyń oıynyn arenada otyryp tamashalaǵysy keletinin aıtty. Men 14 jeltoqsanda Nıderlandpen match bolady dep jaýap berdim. Prezıdent eger kestede ýaqyt bolsa, bizdiń oıynǵa mindetti túrde keletinin eskertti, — dedi Kaka.

Qazaqstan fýtzal federaııasynyń vıe-prezıdenti Nursultan Qurmannyń aıtýynsha, búgin prezıdent matchqa keledi. О́ıtkeni, bári kelisilip qoıyldy.

Qazaqstan quramasynyń oıynshysy Ábdirasýl Ábdimanapulynyń aıtýynsha, ulttyq quramanyń bas jattyqtyrýshysy Kaka oıynshylarǵa aqylyn aıtyp, motıvaııa berip jatyr.

Bul oıynnyń jaýapkershiligin sezinemiz. Álem chempıonatyna baryp, elimizdiń atyn shyǵarǵymyz keledi, — dedi ol.

Al Qazaqstan quramasynyń qaqpashysy Leo Igıta komandanyń matchqa asa jaýapkershilikpen daıyndalyp jatqanyn aıtty.

Nıderland quramasy keıingi úsh jylda jaqsy damyp keledi. Jańa jattyqtyrýshy keldi. Olar ádemi oıyn órnegin kórsetýde. Alańda jaqsy qozǵalady. Birin-biri túsinedi. Matchqa jaýapkershilikpen daıyndalyp jatyrmyz. Bul match qyzyqty da tartysty bolady. О́ıtkeni, biz de ádemi oıyn órnegin kórsetemiz. Dese de oıyn ońaı bolmaıdy. Nıderlandtyqtar da álem chempıonatyna barǵysy keledi. Múmkindikti paıdalanýǵa tyrysady, — dedi ol.

Sonymen birge ol alańda 100 paıyzǵa berilip oınaıtynyn aıtty.

Osy oıynmen, osy sportpen ómir súremin. Qazaqstan quramasymen álem chempıonatynyń altyn júldesin jeńip alǵym keledi. О́ıtkeni, bul elde maǵan múmkindik berilip, ómirimdi ózgertti, — dedi qaqpashy.

Qazaqstan quramasy álem chempıonatyna irikteý týrnırinde Rýmynııa, Ázerbaıjan jáne Nıderland quramalarymen birge A tobynda oınap jatyr. Qazir fýtzaldan elimizdiń bas komandasy tórt oıynnan keıin 12 upaımen kósh bastap keledi. Al qorjynynda 1 upaıy bar Nıderland quramasy 4-orynda tur.

Endi osy matchta Qazaqstan quramasy jeńiske jetse, kelesi jyly bolatyn álem chempıonatyna joldama alady. Al mýndıal 2024 jylǵy 14 qyrkúıek pen 6 qazan aralyǵynda О́zbekstannyń Tashkent qalasynda bolady.

Fýtzaldan álem chempıonaty elıtaly týrnıri 20 jeltoqsanda aıaqtalady. 14 jáne 20 jeltoqsanda álem chempıonatyna  qatysatyn 7 komandanyń beseýi anyqtalady.

Elıtaly raýndtaǵy bes toptyń jeńimpazdary álemdik dodaǵa tikeleı joldama alady. Al 2-oryn alǵan tórt úzdik komanda pleı-off matchtarynda oınaıdy. Olardyń jerebesi 2024 jyly 25 qańtarda tartylady. Al ÁCh joldamasy úshin qalǵan eki match 2024 jyldyń 8-17 sáýirine josparlanǵan.

Dastan KENJALIN,

ASTANA