قازاقستان كۇرەس فەدەراتسياسى جىلدى قورىتىندىلادى

قازاقستان كۇرەس فەدەراتسياسى جىلدى قورىتىندىلاۋ كونفەرەنتسياسىن وتكىزدى. بيىلعى 2023 جىل وتاندىق كۇرەس قاۋىمداستىعى ءۇشىن جارقىن وقيعالارعا، تاريحي ءارى سەنساتسيالىق كورسەتكىشتەرگە تولى بولدى، دەپ حابارلادى ۇيىمنىڭ ءباسپاسوز قىزمەتى.

بۇگىندە كۇرەستىڭ ءۇش تۇرىنەن رەسمي حالىقارالىق جارىستاردا ۇلتتىق قۇراما قورجىنىندا بارلىعى 117 مەدال بار. ونىڭ ىشىندە سپورتشىلار 26 التىن جۇلدە، 33 كۇمىس مەدال، 58 قولا جۇلدە يەلەندى.

كونفەرەنتسياعا گرەك-ريم، ەركىن جانە ايەلدەر كۇرەسى فەدەراتسياسىنىڭ پرەزيدەنتى داۋلەت تۇرلىحانوۆ، تۋريزم جانە سپورت مينيسترلىگى  سپورت جانە دەنە شىنىقتىرۋ ىستەرى كوميتەتى جانىنداعى «سپورتتى دامىتۋ ديرەكتسيا» باسشىسىنىڭ مىندەتىن اتقارۋشى ازامات يماشەۆ، «سپورتتى دامىتۋ ديرەكتسياسى» مكقك ينسپەكتورلىق-اناليتيكالىق ءبولىمىنىڭ باسشىسى تولەۋبەك نيازبەكوۆ، گرەك-ريم، ەركىن جانە ايەلدەر كۇرەسى فەدەراتسياسىنىڭ ءبىرىنشى ۆيتسە پرەزيدەنتى مارات مۇزاپاروۆ، ۇيىمنىڭ ۆيتسە-پرەزيدەنتتەرى ۆلاديمير كوتەلنيكوۆ، دۋمان زەكەنوۆ، سابىرجان زاينيدينوۆ، قادىلەت ءنابي ۇلى، داۋرەن جاباسوۆ، فەدەراتسيانىڭ باس حاتشىسى ديماش سۇلتانوۆ، فەدەراتسيا مۇشەسى وڭالباي اياشەۆ پەن قازاقستان كۇرەس فەدەراتسياسىنىڭ وبلىستارداعى پرەزيدەنتتەرى مەن جاتتىقتىرۋشىلار قاتىستى.

ەلىمىزدىڭ ءار ايماعىنان كەلگەن جاتتىقتىرۋشىلار مەن فەدەراتسيا ماماندارى جانە ۇلتتىق قۇراما باپكەرلەرى ءوز جۇمىستارىنا ەسەپ بەرىپ، ۇسىنىستارىن دا جەتكىزدى. قازاقستان كۇرەس فەدەراتسياسىنىڭ پرەزيدەنتى داۋلەت تۇرلىحانوۆ بۇل جولى جاسوسپىرىمدەرگە ەرەكشە نازار اۋدارۋ كەرەكتىگىن باسا ايتتى. سونداي-اق، كەلەر جىلدىڭ حالىقارالىق كۇرەس فەدەراتسياسىنىڭ كۇنتىزبەسىمەن تانىستى. سونىمەن قاتار ەرەسەكتەر، جاستار جانە جاسوسپىرىمدەر اراسىندا وتەتىن قازاقستان چەمپيوناتىنىڭ كۇنتىزبەسىن بەكىتتى.

جيىننىڭ سوڭى قازاقستان كۇرەس فەدەراتسياسىنىڭ سالتاناتتى گالا كونتسەرتىمەن جالعاسىن تاپتى.

بۇل كەشتە ۇزدىك ناتيجە كورسەتكەن سپورتشىلارعا پاتەر، اۆتوكولىك جانە قوماقتى سىياقىلار تابىس ەتىلدى. اتاپ ايتقاندا، قازاقستان كۇرەسىنە ەرەكشە ىقىلاس ءبىلدىرىپ جۇرگەن بەلگىلى مەتسەنات دۋلات تاستەكەەۆ ەرەسەكتەر اراسىنداعى الەم چەمپيوناتىنىڭ قولا جۇلدەگەرى ءارى كوماندا كاپيتانى ازامات دəۋلەتبەكوۆكە اۆتوكولىكتىڭ كىلتىن تاپسىردى. OLIMPBET بۋكمەكەرلىك كەڭسەسىنىڭ وكىلى جانە بيىلعى جىلعى باستى دوداسىندا عاجاپ  قايسارلىق  تانىتىپ،  وتاندىق كۇرەستىڭ تاريحىن قايتا جازعان اسا دارىندى ءارى 2023 جىلدىڭ ەڭ ناتيجەلى پالۋانىمىز ريزابەك ايتمۇحانعا پاتەر سىيلادى.

ماحبەت PV2 قۇرىلىس كومپانياسىنىڭ ديرەكتورى مارات نۇرلىبەك ۇلى كومپانيانىڭ اتىنان U23 جاسقا دەيىن الەم چەمپيونى سۇلتان اسەت ۇلىنا پاتەردىڭ كىلتى جانە كۇمىس جۇلدەگەر اسىلجان ەسەنگەلدىگە، قولا جۇلدەگەر اتانعان التىن شاگاەۆا مەن يرينا كۋزنەتسوۆاعا قارجىلاي سىياقى بەرىلدى.

سونىمەن قاتار، 20 جاسقا دەيىنگى جاستار اراسىنداعى الەم چەمپيونى — يسحار قۇرباەۆقا استانا قالاسىنداعى پاتەردىڭ كىلتى تاپسىرىلدى. قولا جۇلدەگەر ءدىنيسلام ساعيتجانعا اقشالاي سەرتيفيكات بەرىلدى. بۇدان بولەك XIX جازعى ازيا ويىندارىنىڭ كۇمىس جۇلدەگەرى  مەيىرجان شەرماحانبەتكە، قولا جۇلدەگەرلەر  ازات سادىقوۆ، ءالىمحان سىزدىقوۆقا اقشالاي سىيلىقتار تابىس ەتىلدى.

بيىلعى جىلى قازاقستان تورىندە وتكەن ەرەسەكتەر اراسىنداعى ازيا چەمپيوناتىنىڭ باس جۇلدەگەرلەرى يبراگيم ماگومادوۆ، سانجار دوسجانوۆ، دارحان ەسەنعالي، ەلميرا سىزدىقوۆا، كۇمىس جۇلدەگەرلەر دياس كالەن، نۇرسۇلتان تۇرسىنوۆ جانە قولا جۇلدەگەرلەر امانعالي بەكبولاتوۆ، مۇحامەدəلي مامۋربەك، ولجاس سىرلىباي، ءالىمحان سىزدىكوۆ، المات كەبىسپاەۆ، راحات قالجان، مارينا سەدنەۆا، ەلەنە شالىگينا فەدەراتسيا تاراپىنان ارنايى اقشالاي سەرتيفيكاتپەن ماراپاتتالدى.

كەلەسى كەزەكتە جاستار اراسىنداعى ازيا چەمپيوندارى مەن جۇلدەگەرلەرىنە، سونىمەن قاتار، 23 جاسقا دەيىنگى سپورتشىلار اراسىنداعى ازيا چەمپيوندارى يۋنۋس گافۋروۆ، ازامات قۇرمان، ەلدوس كامەلوۆ، ماقسات سايلاۋ، يسلام ۋماەۆ، يرينا كۋزنەتسوۆا، كۇمىس جۇلدەگەرلەر ءوسىمجان داستانبەك، ەراسىل مۇحتار ۇلى، ەربول كاماليەۆ، اساۋحات مۋحاماديەۆ، يسلام ەۆلوەۆ، دجوحار ۋزاروۆ، زەينەپ بايانوۆا، قولا جۇلدەگەرلەر ءىلياس ەربولاتوۆ، نۋرداۋلەت كۋانىشباي، البينا كايرگەلدينوۆا، البينا جاناتاەۆا لايىقتى ماراپاتتارعا يە بولدى.

20 جاسقا دەيىنگى ازيا چەمپيوندارى ەرحان بەكسۇلتانوۆ، كاميل كۋرۋگليەۆ، يسلام ەۆلوەۆ، كۇمىس جۇلدەگەرلەر ايبەك ايتبەكوۆ، نۇراسىل امانالى، شəمشيابانۋ تاستانبەك، قولا جۇلدەگەرلەر مەرەي بازارباەۆ، ءابدىنۇر نۇرلانبەك، نۇرداۋلەت بەكەنوۆ، يمانعالي قالدىبەك، ازيز گاسىموۆ، دجوحار ۋزاروۆ، التىن شاگاەۆا، زەينەپ بايانوۆا، جىبەكجان سابىرجانوۆا ماقتانىشتارىمىز سىياقى تابىس ەتىلدى.

رەسمي كەشتە تەك سپورتشىلار عانا ەمەس تورەشىلەر مەن باپكەرلەر دە نازاردان تىس قالعان جوق. ارنايى فەدەراتسيا تاراپىنان 2023 جىلدىڭ نوميناتسيالار تاعايىندالدى. «2023 جىلدىڭ ۇزدىك سپورتشىسى» نوميناتسياسىنىڭ جەڭىمپازى ريزابەك ايتمۇحان اتاندى. «2023 جىلدىڭ ۇزدىك جاتتىقتىرۋشىسى» نوميناتسياسىنىڭ اتاعىنا قونىسبەك تۇكەنوۆ پەن دانيار تۇرلىحانوۆ يە بولدى. «2023 جىلدىڭ ۇزدىك تورەشىسى» نوميناتسياسىنىڭ جەڭىمپازى يگور ليگاي بولسا، «2023 جىلدىڭ ۇزدىك مەديتسينا مامانى» نوميناتسياسى اردرەي كليپانعا بەرىلدى.

الدا سپورتشىلارىمىز قازاقستان، ازيا، الەم چەمپيوناتتارى مەن وليمپيادادا ناتيجە كورسەتەدى دەگەن سەنىمدەمىز. سپورتشىلارىمىزعا قاجىماس قايرات پەن جەڭىس تىلەيمىز!