بۇگىن رىباكينا تاعى ءبىر تۋرنيرگە قاتىسادى

بۇگىن اۋسترايليانىڭ ادەلايدا قالاسىندا تەننيستەن WTA 500 ءتۋرنيرى باستالادى. ول 13 قاڭتارعا دەيىن بولادى. وسى تۋرنيرگە الەمنىڭ ءۇشىنشى راكەتكاسى ەلەنا رىباكينا دا قاتىسادى.

رىباكينا كەشەگى بريسبەن قالاسىندا بولعان WTA 500 ءتۋرنيرىن جەڭىپ العان سوڭ، جارىستىڭ ءبىرىنشى راكەتكاسى بولىپ تىركەلدى. ول دودانى ەكىنشى اينالىمنان باستايدى.

ەلەنا رىباكينا ەكىنشى اينالىمدا الەمنىڭ 29-راكەتكاسى، يتاليالىق ياسمين پاوليني نەمەسە دۇنيەجۇزىلىك رەيتينگتە 61-ورىندا تۇرعان يسپانيالىق كريستينا بۋچانىڭ بىرەۋىمەن كەزدەسەدى.

ەسكە سالساق، تەننيسشى WTA 500 Brisbane International ءتۋرنيرىنىڭ فينالىندا بەلارۋس سپورتشىسى، الەمنىڭ ەكىنشى راكەتكاسى ارينا سوبولەنكونى 6:0، 6:3 ەسەبىمەن جەڭدى.

داستان كەنجالين،

استانا