SportPress.kz Qazaqstan sport jańalyqtary
Erkin kúres balýany Azamat Dáýletbekov bıylǵy jyldyń alǵashqy álemdik reıtıngtik týrnıriniń kúmis júldegeri atandy, dep habarlady Kúres túrleri federaııasy.
Ol Horvatııanyń astanasy — Zagreb qalasynda kúres túrlerinen ótken Zagreb Open týrnıriniń alǵashqy kúninde 86 keli salmaq dárejesinde kúmis medal aldy.
Azamat Dáýletbekov áýeliÚndistannyń balýany Depak Pýnııany 6:2 esebimen jeńse, ekinshi beldesýde Ýkraına ókili Valentın Babıden aılasyn asyrdy.
Shırek fınalda Grýzııanyń sportshysy Evsem Shvelıdzege esh múmkindik bermedi. Bul beldesý 10:0 esebimen aıaqtaldy. Jartylaı fınalda otandasymyz Izraıl balýany Fılıp Fınesılberdi de 10:0 esebimen oısyrata jeńdi. Al fınalda ókinishke qaraı, Bolgarııanyń namysyn qorǵaıtyn daǵystandyq Magomed Ramazanovtan 5:8 esebimen jeńilýge májbúr boldy.
Bul týrnır 14 qańtarǵa deıin bolady. Onda balýandarǵa reıtıngtik upaılar beriledi.
Zagreb Open halyqaralyq týrnırinde balýandar grek-rım, erkin jáne áıelder kúresinen kúsh synasady.
Qazaq eliniń atynan Zagrebte jalaýy kóterilgen jarysqa erkin kúresten Azamat Dáýletbekovten (86 keli) basqa, áıelder kúresinen Irına Kazıýlına (65 keli), Elena Shalygına (68 keli) men Elmıra Syzdyqova (76 keli) reıtıngtik upaı alyp kóredi.
Azamat Dáýletbekov — erkin kúresten álem chempıonatynyń eki dúrkin qola júldegeri, Azııa chempıony, Qazaqstan balýandary arasynan Parıj Olımpıadasyna joldama alǵan ázirge jalǵyz sportshy.
