«Kreщenıe» kezindegi shomylý: Astananyń qutqarýshylary saqtyq sharany eskertti

18-19 qańtarda «Kreщenıe» pravoslavıe merekesi  shirkeýlerde atalyp ótedi. Bıylǵy jappaı shomylý kezinde Astana qalasy turǵyndarynyń qaýipsizdigin qamtamasyz etý týraly qalalyq Tótenshe jaǵdaılar departamenti Azamattyq qorǵanys basqarmasynyń aǵa ofıeri Azamat Jumekeshov aıtty, dep habarlady qalalyq ákimdiktiń resmı saıty.

Bıylǵy «Kreщenıege» oraı elordada Esil ózeniniń sol jaǵalaýynda, «Astanalyq» saıabaǵynyń jaǵalaýynda (Ortalyq jaǵajaıdyń janynda) jappaı shomylýǵa arnalǵan oıyqtar ornatyldy.

Sýǵa shomylatyn oryndar 18 qańtarda saǵat 20:00-den bastap sýdy tazartqannan keıin 19 qańtar saǵat 02:00-ge deıin ashyq bolady.
Jappaı shomylý 19 qańtarda tańǵy saǵat 08:00-den túngi 23:00-ge deıin jalǵasady.

Jappaı shomylýǵa qatysatyn Astana turǵyndarynyń qaýipsizdigin qamtamasyz etý maqsatynda «Kreщenıe» kezinde shomylý rásimi ótetin oryndarda Astana TJD, Jedel-qutqarý jasaǵy men Apattar medıınasy ortalyǵy qyzmetkerleriniń kezekshiligi uıymdastyrylady. Is-sharaǵa jeke quramnyń 38 adamy jáne 4 birlik tehnıka jumyldyrylady. Bul jerde shomylýdy uıymdastyrýshylar men sýǵa túsýsheler úshin qosymsha nusqama ótkiziledi, — dedi ol.

Ol sondaı-aq qala turǵyndaryna shomylý kezindegi saqtyq sharalaryn eske saldy.

Máselen, qajet bolǵan jaǵdaıda ýaqtyly bilikti kómek kórsete alatyn arnaıy jabdyqtalǵan jáne kúzetiletin oryndarda ǵana shomylý qajet. Osy maqsatta Esil ózeninde Turan dańǵyly 8/2 mekenjaıyndaǵy qalalyq jaǵajaıda bir ýchaskege adamnyń muz astyna ketýine jol bermeý úshin aǵash jáne metall torlardy qoldanatyn qaýipsizdik quraldarymen jabdyqtalǵan 4 oryn jasaldy.

Oıyqqa kirgende tereń dem alyp baryp, sýǵa túsý kerek. Sýǵa túsken kisi shyqqan kezde ony ir adam súlgimen jáne halatpen kútip alý kerek. Sýǵa túsken kezde rezińke aıaq kıim kııý kerek.

Shomylýdan buryn deneni qyzdyryp, azdaǵan jattyǵý jasap, jeńil júgirińiz.Sýǵa tek taıǵaq emes, arnaıy jabdyqtalǵan orynǵa shomylý kerek.

Shomylatyn orynǵa jetkenshe qysqy aıaq kıimdi kıgen durys, arnaıy rezeńke aıaq kıimdi de kııýge bolady. Oıyqqa jetkenshe jol taıǵaq bolýy múmkin. Sondyqtan asyqpaı, ár qadamdy nyq basyp júrińiz, — dedi Azamat Jumekeshov.

Onyń aıtýynsha, qutqarýshylar sýǵa túsetin baspaldaqtyń taıǵaq bolmaýyn qamtamasyz etýge keńes beredi.

Eshbir jaǵdaıda sekirýge jáne alǵa qaraı tesikke súńgýge bolmaıdy. О́ıtkeni, adamnyń dene qyzýy kóterilip, sýyq tııýi múmkin.

Sýda bir mınýttan artyq bolmaý kerek. Mas adamǵa muzdy sýǵa shomylýǵa bolmaıdy.

Eger sizben birge bala nemese qart adam bolsa, ony shomylý kezinde muqııat qadaǵalańyz.
Qoryqqan kezde bala júze alatynyn áp-sátte umytyp qalýy múmkin.

Shomylǵannan keıin súlgimen súrtinip, qurǵaq jyly kıim kıip, ystyq shaı ishý kerek, — dedi ol.

Sonymen birge ol balalar men qart kisilerge, denesi shynyqpaǵan, sýyq sýǵa shomylýdan tájirıbesi joq jáne júrek-qan tamyrlary aýrýlary bar adamdarǵa sýǵa shomylýdan bas tartýdy eskertti.