Astanada kúres túrlerinen Qazaqstan chempıonaty bastaldy

Astanada Týrızm jáne sport mınıstrligi men Grek-rım, erkin jáne áıelder kúresi federaııasynyń uıymdastyrýymen kúres túrlerinen Qazaqstan chempıonaty bastaldy. Chempıonat 1-5 aqpan aralyǵynda Jaqsylyq Úshkempirov atandaǵy Jekpe-jek saraıynda bolady.

El chempıonaty Olımpııalyq oıyndarǵa engizilgen kúres túrlerin tanymal etý, onyń bedelin arttyrý men kúres túrlerinen ulttyq quramany irikteý maqsatynda ótkiziledi.

Qazaqstan chempıonatynyń júldesine talasatyn balýandar arasynda ulttyq qurama úzdikteri de bar.

Atap aıtar bolsaq, Ishar Qurbaev, Aıdos Sultanǵalı, Sultan Ásetuly, Almat Kebispaev, Meıirjan Shermahanbet, Demeý Jadyraev, Azat Sadyqov, Maqsat Erejepov, Álimhan Syzdyqov mııaqty álemdik jarystardyń jeńimpazdary men júldegerleri kúsh synasady.

Chempıonat qorytyndysy boıynsha sáýir aıynda Qyrǵyzstanda ótetin Olımpıadaǵa irikteý týrnırine qatysatyn sportshylar anyqtalady.

Búgin keshki saǵat 17:30-da jarys saltanatty jaǵdaıda ashylady. Al beldesýler saǵat 10:30-da bastaldy. Birinshi jáne úshinshi orynǵa beldesýler men marapattaý rásimi kún saıyn saǵat 18:00-de bolady.

Búgin jáne erteń grek-rım kúresiniń sheberleri kilemge shyǵady. Olar 1 aqpanda 55, 63, 72, 82, 97 kg salmaqta, erteń 60, 67, 77, 87, 130 keli salmaq dárejesinde kúresedi.

3 aqpanda áıelder kúresi bolady. Áıelder 50, 53, 55, 57, 59, 62, 65, 68, 72, 76 kelide kúsh synasady.

4 aqpanda erkin kúres sheberleri 57, 65, 74, 86, 92 kg salmaqta beldesedi. Al chempıonattyń sońǵy kúni, ıaǵnı 5 aqpanda kilemge taǵy da erkin kúres balýandary shyǵyp, 61, 70, 79, 97, 125 kelide shyn myqtyny anyqtaıdy.

Dastan KENJALIN,

ASTANA