Kanvon-2024: Qazaqstan qysqy Olımpıadada 20-oryn aldy

Ońtústik Koreıanyń Kanvon provınııasynyń Kannyn qalasynda Azııa qurlyǵynda alǵash ret ótken qysqy sport túrlerinen IV jasóspirimder Olımpıadasy aıaqtaldy.  

Kannyn qalasyndaǵy Youth Olympic Park keshenindegi jabylý saltanatynda elimizdiń kók baıraǵyn Berik Boranbaev pen Mereı Tastemir ustap shyqty.

Ashyq aspan astynda ótken kesh kezinde semserlesýden Olımpıada chempıony, Halyqaralyq Olımpıada komıtetiniń (HOK) prezıdenti Tomas Bah Ońtústik Koreıa memleketine jarysty uıymdastyryp, laıyqty deńgeıde ótkizgeni úshin rızashylyǵyn bildirdi. Onyń aıtýynsha, Koreıa Respýblıkasy Oıyndardy jaqsy ótkizip qana qoıǵan joq, 14 kún boıy óz mádenıetimen qyzyqtyryp, qonaqtardyń ýaqytty qyzyq ótkizýine qolaıly jaǵdaı jasady.

Osydan keıin alty eldiń Oltımpıada chempıondary jarysta qyzmet etken eriktilerge syılyqtardy tabys etti. Al boıtumar «Mýncho» Oıyndardyń alaýyn sóndirdi, — delingen habarlamada.

2025 jyly 2028 jylǵy qysqy oıyndardy ótkizetin el belgili bolady. Bul týraly HOK prezıdenti Tomas Bah aıtty. Al 2026 jyly Senegalyń astanasy – Dakar qalasynda jazǵy sport túrlerinen jasóspirimder Olımpıadasy ótedi.

Bıylǵy Oıyndarda Qazaqstan namysyn sporttyń bes túrininen 9 baǵdarlama boıynsha 41 jasóspirim qorǵady. Qazaqstan sportshylary 1 altyn, 2 qola medalmen jalpy esepte 20-orynǵa taban tiredi.

Alǵashqy jarys kúni shańǵymen tuǵyrdan sekirýde Ilıa Mızernyh chempıon atandy. Odan keıin short-trekten Polına Omelchýk pen 3×3 hokkeıden erler quramasy qola júldeni jeńip aldy.

Azııa qurlyǵynda alǵash ótken Oıyndarda 32 memleket júldege ıe boldy.

Jalpy bıylǵy Olımpıadaǵa 78 elden 1803 atlet jınaldy. Týnıs pen BAÁ eliniń sportshylary alǵash ret qysqy jasóspirimder Olımpıadasynda baq synady. Olar 7 sport túrinen (15 baǵdarlamada) 81 júlde jıyntyǵyn sarapqa saldy.

Kósh basynda 11 altyn júldesi bar Italııa tursa, odan keıingi orynǵa Germanııa sportshylary jaıǵasty.

Olımpıadada AQSh ókilderi eń kóp júlde aldy.  Olar barlyǵy 21 medaldi qaltasyna basty. Kannynda Brazılııa, Taıland, Túrkııa men Týnıs sportshysy alǵash ret óz eline júlde syılady.

Keshendi jarys 12 nysanda boldy. Onyń jeteýi 2018 jylǵy Phenchhan Olımpıadasy kezinde salynǵan.

Shamken BAIYRBEK,

Kannyn, Ońtústik Koreıa