بوكستان ەرماحان يبرايموۆتىڭ جۇلدەسى ءۇشىن تۋرنير وتەدى

20-24 اقپان ارالىعىندا الماتى وبلىسىنىڭ دەنە شىنىقتىرۋ جانە سپورت باسقارماسى، سپورتتىق-بۇقارالىق ءىس-شارالار ورتالىعى، اۋەسقوي جانە كاسىپقوي بوكس فەدەراتسياسى مەن «الماتى» وليمپيادالىق دايارلاۋ ورتالىعىنىڭ ۇيىمداستىرۋىمەن بوكستان وليمپيادا چەمپيونى، قازاقستان رەسپۋبليكاسىنىڭ ەڭبەك سىڭىرگەن سپورت شەبەرى ەرماحان يبرايموۆتىڭ جۇلدەسىنە ارنالعان قىزدار (جاسوسپىرىمدەر مەن جاستار) اراسىندا بوكستان VI حالىقارالىق تۋرنير وتەدى، دەپ حابارلادى تۋريزم جانە سپورت مينيسترلىگى.

تۋرنير الماتى وبلىسى، قاراساي اۋدانى، المالىباق اۋىلى، بەكزات ساتتارحانوۆ كوشەسى، 105/1 مەكەنجايىندا ورنالاسقان «الماتى» وليمپيالىق دايارلاۋ ورتالىعىندا بولادى.

جارىس 20 اقپاندا ساعات 14:00-دە سالتاناتتى جاعدايدا اشىلىپ، 14:30-دا باستالادى.

دوداعا 2006-2007 جانە 2008-2009 جىلى تۋعان قىزدار قاتىسادى. موڭعوليا، قىتاي، قىرعىزستان، وزبەكستان، تاجىكستان مەن ەلىمىزدىڭ 200-دەن استام مىقتى سپورتشىلارى قولعاپ تۇيىستىرەدى. ولار 25 سالماق دارەجەسىندە، جاسوسپىرىمدەر 13، جاستار 12 سالماق دارەجەسىندە چەمپيوندىق اتاق ءۇشىن شارشى الاڭعا شىعادى.

حالىقارالىق ءتۋرنيردىڭ نەگىزگى ماقساتى — شەتەلدەردىڭ بوكس مەكتەپتەرىنىڭ وكىلدەرى اراسىندا دوستىق بايلانىس پەن تاجىريبە الماسۋدى نىعايتۋ، بوكسشىلارعا ءوز شەبەرلىك دەڭگەيىن، سونداي-اق ولاردىڭ بىلىكتىلىگىن ارتتىرۋعا مۇمكىندىك بەرۋ.

تۋرنيردە ءوز سالماق دارەجەسىندە جەڭىمپاز اتانعاندارعا قازاقستان رەسپۋبليكاسىنىڭ سپورت شەبەرىنە ۇمىتكەر اتاعى بەرىلەدى.

جەڭىمپازدار مەن جۇلدەگەرلەردى ماراپاتتاۋ ءراسىمى فينالدىق ماتچتاردان كەيىن بىردەن 24 اقپاندا بولادى دەپ جوسپارلانىپ وتىر.

ۇيىمداستىرۋشىلار

بايلانىس تەلەفوندار: +7 702 000 45 00 (ايسارا بيسەنوۆا)

+7 701 461 57 03 (ايدا توكتاحۋنوۆا).