SportPress.kz Qazaqstan sport jańalyqtary
20-24 aqpan aralyǵynda Almaty oblysynyń dene shynyqtyrý jáne sport basqarmasy, Sporttyq-buqaralyq is-sharalar ortalyǵy, Áýesqoı jáne kásipqoı boks federaııasy men «Almaty» Olımpıadalyq daıarlaý ortalyǵynyń uıymdastyrýymen bokstan Olımpıada chempıony, Qazaqstan Respýblıkasynyń eńbek sińirgen sport sheberi Ermahan Ibraımovtyń júldesine arnalǵan qyzdar (jasóspirimder men jastar) arasynda bokstan VI halyqaralyq týrnır ótedi, dep habarlady Týrızm jáne sport mınıstrligi.
Týrnır Almaty oblysy, Qarasaı aýdany, Almalybaq aýyly, Bekzat Sattarhanov kóshesi, 105/1 mekenjaıynda ornalasqan «Almaty» Olımpııalyq daıarlaý ortalyǵynda bolady.
Jarys 20 aqpanda saǵat 14:00-de saltanatty jaǵdaıda ashylyp, 14:30-da bastalady.
Dodaǵa 2006-2007 jáne 2008-2009 jyly týǵan qyzdar qatysady. Mońǵolııa, Qytaı, Qyrǵyzstan, О́zbekstan, Tájikstan men elimizdiń 200-den astam myqty sportshylary qolǵap túıistiredi. Olar 25 salmaq dárejesinde, jasóspirimder 13, jastar 12 salmaq dárejesinde chempıondyq ataq úshin sharshy alańǵa shyǵady.
Halyqaralyq týrnırdiń negizgi maqsaty — shetelderdiń boks mektepteriniń ókilderi arasynda dostyq baılanys pen tájirıbe almasýdy nyǵaıtý, boksshylarǵa óz sheberlik deńgeıin, sondaı-aq olardyń biliktiligin arttyrýǵa múmkindik berý.
Týrnırde óz salmaq dárejesinde jeńimpaz atanǵandarǵa Qazaqstan Respýblıkasynyń sport sheberine úmitker ataǵy beriledi.
Jeńimpazdar men júldegerlerdi marapattaý rásimi fınaldyq matchtardan keıin birden 24 aqpanda bolady dep josparlanyp otyr.
Uıymdastyrýshylar
Baılanys telefondar: +7 702 000 45 00 (Aısara Bısenova)
+7 701 461 57 03 (Aıda Toktahýnova).
