Kórkem gımnasshylar Gracia Fair Cup týrnırinde 4 altyn medal aldy

Majarstannyń astanasy – Býdapesht qalasynda ótken kórkem gımnastıkadan 28-Gracia Fair Cup halyqaralyq týrnırinde Qazaqstan quramasy 4 altyn, 1 kúmis jáne 1 qola medal jeńip aldy, dep habarlady Týrızm jáne sport mınıstrligi Sportty damytý dırekııasy.

Týrnırde jekeleı synda Aıbota Ertaıqyzy doppen, lentamen jáne urshyqpen óner kórsetýde des bermeı, úsh jattyǵýda altyn medaldi jeńip aldy.  Al Erıka Jaılaýova shyǵyrshyq jattyǵýynda chempıon atandy.

Keshe kópsaıysta Aıbota kúmis (125,2 ball), Erıka qola júldeger (122,25 upaı) atanǵan. Sondaı-aq ulttyq quramanyń taǵy bir sportshysy Mılana Parfılova tórtinshi, Zere Baqytjanqyzy altynshy, Aıym Meıirjanova jetinshi oryndy qanaǵat tutty.