Jeńil atletıkadan ACh: Qazaqstan 12 medal jeńip aldy (FOTO)

Iran Islam Respýblıkasynyń astanasy – Tegeran qalasynda jeńil atletıkadan jabyq keshendegi XI Azııa chempıonaty máresine jetti, dep habarlady Týrızm jáne sport mınıstrligi Sportty damytý dırekııasy.

Bıylǵy chempıonatta Qazaqstan sportshylary 4 altyn, 2 kúmis pen 6 qola júldeni jeńip aldy.

Sońǵy jarys kúni estafetada (4h400 m) elimizdiń erler (Andreı Sokolov, Elnor Mýhıtdınov, Efım Tarasov, Vıacheslav Zems) jáne áıelder quramasy (Adelına Zems, Anna Shýmılo, Marııa Shývalova, Krıstına Kondrashova) top jardy. Onyń aldynda Elızaveta Matveeva (bıiktikke sekirý) men Davıd Efremov (60 m kedergiler arqyly júgirý) chempıon atandy.

Ivan Ivanov (ıadro laqtyrý) pen Olga Safronova (60 m júgirý) kúmis júldege ıe boldy.

Qola júldeni Aıana Bolatbekqyzy (1500 m júgirý), Marııa Efremova (3 qarǵyp sekirý), Aqbaıan Murmámet (800 m júgirý), Alına Chıstıakova (kópsaıys) Efım Tarasov (400 metr júgirý) pen Maksım Frolovskıı (3000 metrge júgirý) ıelendi.

Maksım Frolovskıı 3 myń metrge júgirýde márege besinshi bolyp keldi. Alaıda aldyńǵy eki adam ereje buzǵandyqtan qola medal otandasymyzǵa berildi. Sondaı-aq Maksım Frolovskıı 23 jasqa deıingi sanatta Qazaqstan rekordyn jasady (8:17.17).

Tegeranda elimizden barlyǵy 29 atlet el namysyn qorǵady.

Byltyr jabyq keshendegi Azııa chempıonaty Astana qalasyndaǵy Qazaqstan jeńil atletıka kesheninde bolǵan edi. Ol kezde ulttyq qurama 6 altyn, 3 kúmis, 3 qola medalmen jalpy esepte ekinshi oryn alǵan.