ەلىمىزدە مىڭ فۋتبول دوبىنان تۇراتىن الاڭ پايدا بولدى (ۆيدەو)

الماتى وبلىسىندا مىڭ فۋتبول دوبىنان تۇراتىن ۇلكەن الاڭ اشىلدى. بۇل جوبا «مۇمكىندىككە تولى فۋتبول الاڭى» دەپ اتالادى. ونى شاعىن قالالار مەن اۋىلداردا، ياعني بالالار تاجىريبەلى تالىمگەرمەن بىرگە سپورتپەن شۇعىلدانا المايتىن جەرلەردە، تەگىن جاتتىعۋلار ۇيىمداستىراتىن كوممەرتسيالىق ەمەس Supernovas بالالار جوباسى جاسادى.

مىڭ دوپتان تۇراتىن الاڭ بالالار فۋتبولىنا نازار اۋدارتىپ، ەلىمىزدە باتىل يدەيالاردى ىسكە اسىرۋعا بولاتىنىن دالەلدەۋگە باعىتتالعان.

Supernovas ءۇشىن بالالار ءاردايىم ءبىرىنشى ورىندا. ءبىز ولاردىڭ باستامالارىن قولداپ، تالانتتارىن دامىتىپ، وزىنە دەگەن سەنىمدىلىكتى قالىپتاستىرامىز. ءبىزدىڭ كوماندامىز ءۇشىن ءار بالا — جۇلدىز، ءبىز ولاردىڭ بارلىق جەتىستىگىن ماقتان تۇتامىز. ءبىزدىڭ باپكەرلەر جاي عانا جاتتىقتىرۋشىلار ەمەس، ولار — ويىن تەحنيكاسىمەن قاتار، ومىرلىك كەڭەستەرىن دە ايتىپ وتىراتىن تالىمگەرلەر. ءبىز باپكەرلەر قۇرامىن وقىتۋ كەزىندە جاۋاپكەرشىلىك تانىتىپ، ولارعا ءتۇرلى رەسۋرستار جانە ادىسكەرلەر مەن پسيحولوگتاردىڭ كومەگىن دە ۇسىنامىز، — دەلىنگەن Supernovas-تىڭ حابارلاماسىندا.

Supernovas — 2022 جىلدان باستاپ بۇكىل قازاقستان اۋماعىندا 9 سەكتسيا اشقان InDrive-تىڭ حالىقارالىق باستاماسى. Supernovas-تىڭ باستى قۇندىلىقتارى: قاۋىپسىزدىك، اشىقتىق، پوزيتيۆ، تۇلعالىق دامۋ، جاۋاپكەرشىلىك پەن كوماندالىق رۋح.
Supernovas تۋرالى تولىعىراق supernovas.indrive.com جوبا سايتىنان بىلۋگە بولادى.

InDrive كومپانياسى