Elimizde myń fýtbol dobynan turatyn alań paıda boldy (VIDEO)

Almaty oblysynda myń fýtbol dobynan turatyn úlken alań ashyldy. Bul joba «Múmkindikke toly fýtbol alańy» dep atalady. Ony shaǵyn qalalar men aýyldarda, ıaǵnı balalar tájirıbeli tálimgermen birge sportpen shuǵyldana almaıtyn jerlerde, tegin jattyǵýlar uıymdastyratyn kommerııalyq emes Supernovas balalar jobasy jasady.

Myń doptan turatyn alań balalar fýtbolyna nazar aýdartyp, elimizde batyl ıdeıalardy iske asyrýǵa bolatynyn dáleldeýge baǵyttalǵan.

Supernovas úshin balalar árdaıym birinshi orynda. Biz olardyń bastamalaryn qoldap, talanttaryn damytyp, ózine degen senimdilikti qalyptastyramyz. Bizdiń komandamyz úshin ár bala — juldyz, biz olardyń barlyq jetistigin maqtan tutamyz. Bizdiń bapkerler jaı ǵana jattyqtyrýshylar emes, olar — oıyn tehnıkasymen qatar, ómirlik keńesterin de aıtyp otyratyn tálimgerler. Biz bapkerler quramyn oqytý kezinde jaýapkershilik tanytyp, olarǵa túrli resýrstar jáne ádiskerler men psıhologtardyń kómegin de usynamyz, — delingen Supernovas-tyń habarlamasynda.

Supernovas — 2022 jyldan bastap búkil Qazaqstan aýmaǵynda 9 sekııa ashqan InDrive-tyń halyqaralyq bastamasy. Supernovas-tyń basty qundylyqtary: qaýipsizdik, ashyqtyq, pozıtıv, tulǵalyq damý, jaýapkershilik pen komandalyq rýh.
Supernovas týraly tolyǵyraq supernovas.indrive.com joba saıtynan bilýge bolady.

InDrive kompanııasy