SportPress.kz قازاقستان سپورت جاڭالىقتارى
وزبەكستاننىڭ تاشكەنت قالاسىندا دزيۋدودان ءوتىپ جاتقان «ۇلكەن دۋلىعا» تۋرنيرىندە ايەلدەر قۇراما كومانداسىنىڭ كوشباسشىسى ءابيبا ابۋجاقىنوۆا جارتىلاي فينالدا شۆەتسيانىڭ وكىلى تارا بابۋلفاتتى جەڭىپ، فينالعا شىقتى، دەپ حابارلادى قر تۋريزم جانە سپورت مينيسترلىگى سپورتتى دامىتۋ ديرەكتسياسى.
ول D توبىندا ەشكىمگە دەس بەرمەدى. تۇركىمەنستان، يزرايل سپورتشىسىن، ودان كەيىن شيرەك فينالدا اقش دزيۋدوشىسىن جەڭىپ، ½ فينالعا جولداما العان بولاتىن. ەندى مىنە، جارتىلاي فينالدا سكانديناۆيا تۇبەگىنەن كەلگەن سپورتشىدان ايلاسىن اسىرىپ، التىن مەدال ءۇشىن كۇرەسەتىن بولدى.
وسىلايشا ءابيبا ابۋجاقىنوۆا باكۋدا وتكەن تۋرنيردە كەتكەن ەسەسىن قايتاردى.
كەشكە 48 كگ دەيىنگى سالماقتىڭ فينالىندا ءابيبا ابۋجاقىنوۆا رەسەيلىك سابينا گيليازوۆامەن كۇرەسەدى. رەسەيلىك سپورتشى وسى سالماقتاعى تاعى ءبىر وتانداسىمىز عاليا تىڭباەۆانى جەڭگەن ەدى.
