وليمپيادا چەمپيونى ۆلاديمير سميرنوۆ جەكە زاتتارىن مۋزەيگە تاپسىردى

ەلىمىز تاۋەلسىزدىگىن جاريالاپ، قىسقى سپورتتان وليمپياداعا العاش رەت قاتىسقان كەزدە وليمپيادا چەمپيونى اتانعان شاڭعىشى ۆلاديمير پرەزيدەنت ورتالىعىنداعى قازاقستان سپورتىنىڭ داڭق مۋزەيىنە جەكە زاتتارىن تارتۋ ەتتى.

ول 1994 جىلى نورۆەگيانىڭ ليللەحاممەر قالاسىندا وتكەن XVII قىسقى وليمپيادادا 50 شاقىرىمدىق(كلاسسيكالىق ستيل) جارىستا چەمپيون اتانعان ەدى.

بۇل ءبىزدىڭ ەگەمەن ەل رەتىندە بارعان العاشقى وليمپيالىق ويىندارىمىز، ءبىرىنشى التىن جۇلدەمىز بولاتىن. ءوزىمدى سول ءۇشىن ماقتان تۇتامىن. سودان بەرى ارادا 30 جىل ءوتىپتى.

ششۋچە قالاسىندا ارنايى ءىس-شارا بولدۆ. مەكتەپ وقۋشىلارى ماعان جىلى لەبىزىن ايتىپ، زور قۋانىش سىيلادى. وسى مۋزەيگە كەلۋشىلەر كوپ بولعانىن قالايمىن. ءبىزدىڭ زاتتارىمىز ارقىلى ولار سول جارىس جايلى كوبىرەك بىلە الادى، — دەدى وليمپيادا چەمپيونى.

قازىر قازاقستان سپورتىنىڭ داڭق مۋزەيىندە سەرىك ساپيەۆتىڭ لوندون وليمپياداسىنداعى بىلعارى قولعابى، الەكساندر ۆينوكۋروۆتىڭ جەيدەسى مەن ۆەلوسيپەدى، دميتري ءبالانديننىڭ ريو وليمپياداسىنداعى سپورت كيىمى، داۋلەت تۇرلىحانوۆتىڭ مەدالدارى، دەنيس تەننىڭ سوچي وليمپياداسىنداعى كوستيۋمى، دانيار ەلەۋسىنوۆتىڭ شلەمى مەن كيىمى، گەننادي گولوۆكيننىڭ التىن بەلبەۋلەرى مەن باسقا دا زاتتار قويىلعان.

داستان كەنجالين،

استانا