Olımpıada chempıony Vladımır Smırnov jeke zattaryn mýzeıge tapsyrdy

Elimiz táýelsizdigin jarııalap, qysqy sporttan Olımpıadaǵa alǵash ret qatysqan kezde Olımpıada chempıony atanǵan shańǵyshy Vladımır Prezıdent ortalyǵyndaǵy Qazaqstan sportynyń Dańq mýzeıine jeke zattaryn tartý etti.

Ol 1994 jyly Norvegııanyń Lıllehammer qalasynda ótken XVII qysqy Olımpıadada 50 shaqyrymdyq(klassıkalyq stıl) jarysta chempıon atanǵan edi.

Bul bizdiń egemen el retinde barǵan alǵashqy Olımpııalyq oıyndarymyz, birinshi altyn júldemiz bolatyn. О́zimdi sol úshin maqtan tutamyn. Sodan beri arada 30 jyl ótipti.

Щýche qalasynda arnaıy is-shara boldv. Mektep oqýshylary maǵan jyly lebizin aıtyp, zor qýanysh syılady. Osy mýzeıge kelýshiler kóp bolǵanyn qalaımyn. Bizdiń zattarymyz arqyly olar sol jarys jaıly kóbirek bile alady, — dedi Olımpıada chempıony.

Qazir Qazaqstan sportynyń Dańq mýzeıinde Serik Sápıevtiń London Olımpıadasyndaǵy bylǵary qolǵaby, Aleksandr Vınokýrovtyń jeıdesi men velosıpedi, Dmıtrıı Balandınniń Rıo Olımpıadasyndaǵy sport kıimi, Dáýlet Turlyhanovtyń medaldary, Denıs Tenniń Sochı Olımpıadasyndaǵy kostıými, Danııar Eleýsinovtiń shlemi men kıimi, Gennadıı Golovkınniń altyn belbeýleri men basqa da zattar qoıylǵan.

Dastan KENJALIN,

ASTANA