Boksshy Aıbek Oralbaı Olımpıada lıenzııasyn jeńip aldy (VIDEO)

Bokstan Italııanyń Býsto-Arsııo qalasynda ótip jatqan lıenzııalyq týrnırde 92 keli salmaqtaǵy Azııa chempıony Aıbek Oralbaı Olımpıadaǵa joldamany jeńip aldy. Ol 1/4 fınalda AQSh-tyń ókili Jamar Talleıdi barlyq raýndta jeńip, tórt jylda bir keletin dodada óner kórsetýge múmkindik aldy.

Osy salmaqta Tokıo Olımpıadasynda Vasılıı Levıt kúsh synasqan edi.

Buǵan deıin habarlanǵandaı, kópten beri halyqaralyq arenaǵa shyǵa almaı júrgen 92 keli salmaqtaǵy Aıbek Oralbaı aldyna kelgen qarsylastaryn qulatyp, shırek fınalǵa shyqqan bolatyn. Onyń aldynda ol 1/16 fınalda Ońtústik Koreıa eliniń sportshysy Haneýl Jangpen kezdesip, qarsylastan qaraǵanda ózin jınaqy da jigerli, shymyr da shydamdy ekenin kórsetip, shapshań qımyldarymen soqqylardy dál tıgizip, tóreshiler tarapynan tıisti baǵasyn alyp, jeńiske jetti.

Týrnırde Aıbektiń syńary — Nurbek Oralbaı da 80 kelide qolǵap túıistirip jatyr.

Dastan KENJALIN,

ASTANA

 

View this post on Instagram

 

A post shared by Kazakhstan Boxing Federation (@boxingkazakhstan)

 

View this post on Instagram

 

A post shared by Kazakhstan Boxing Federation (@boxingkazakhstan)