SportPress.kz Qazaqstan sport jańalyqtary
Túrkııanyń Antalıa qalasynda WKF karateden eresekter arasyndaǵy Karate1 Premier League — Antalya 2024 týrnıri aıaqtaldy, dep habarlady Týrızm jáne sport mınıstrliginiń Sportty damytý dırekııasy.
Oǵan 60 elden úzdik 400-ge jýyq tatamı sheberi qatyssa, sonyń ishinde dúnıejúzi reıtınginde ár salmaqtyń úzdik 32 (TOP-32) sportshysy baq synady. Elimizden 14 karateshi kúsh synasty.
Kýmıte baǵdarlamasynda 50 kelige deıingi salmaqta qatysqan Móldir Jańbyrbaı fınaldaǵy qarsylasy, Venesýela ókili Salazar Iorgelıstiń jaraqat alyp, tatamıge shyqpaýyna baılanysty merziminen buryn jeńimpaz atandy. Al 55 kelide Bella Samasheva jarystaǵy barlyq qarsylasyn aıqyn basymdyqpen jeńip, altyn medal oljalady.
Halyqaralyq jarystarda Qazaqstannyń ánuranyn shyrqatý úshin kóp kúsh jumsaısyń. Men baqyttymyn, búgin birinshi oryn aldym. Sportshynyń tuǵyrǵa shyǵyp, qolyn júreginiń tusyna qoıyp, óz eliniń ánuranyn oryndaý úlken baqyt. Osy kezdegi sezimdi sózben aıtyp jetkizý múmkin emes. Meni qoldaǵan árbir janǵa alǵys bildiremin! Alǵa Qazaqstan!, — dedi Móldir Jańbyrbaı.
Týrnırde Tokıo Olımpıadasynyń júldegeri Sofıa Berýleva shırek fınalda portýgalııalyq Rıta Olıveırany jeńip, jartylaı fınalda germanııalyq Knır Iohannaǵa ese jiberdi. Qola júlde úshin aıqasta Anglııa sportshysy Sofıa Roshel Ýoltersten basym tústi. Esep — 8:6. Sondaı-aq 2023 jylǵy Azııa oıyndarynyń qola júldegeri, Azııa chempıony Ásel Qanaı men Azııa oıyndarynyń jeńimpazy Nurqanat Ájiqanov el qorjynyna qola kezekti qola medaldi saldy.
